Ɓakɔlɔsái 4:3 - Ɔngana á Kɛ̌kɛ

³ Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

Ɓakɔlɔsái 4:3 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 16:9

Nga, Mokonga amokoɗei aphe ka bɛɗanaga ekuma ángbó nanga ɓaɓiɓia ɓáɓika.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 3:3

Mokonga aámbé ɗámɔɔphani ka úbisa ani moangɔ nɛkɛ á ɓɔsɔmɛa. Ɗéneɗundu ábɔa ka nyɔngɔ í gǔ.

Ɓaɛphɛ́sɔ 3:4

Ɓî ɓootanga ɓaoɓa nɛmɔ, ɓoengekisande gea, neoúba nyɔngɔ á ɓɔsɔmɛa ndea Kiísito.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaphilípi 1:19

Nga, neoúba ɗoni gea, ka nyɔngɔ ɛ́mɛmi nɛnu na ɓî Měma á Yéso Kiísito aomoenga aunge sungiaga á tambaga ani, ande ɓoamia nɛmɔ.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓakɔlɔsái 1:26

Nyɔngɔ ndɔ ande moangɔ nde ɗáɛsɔmɛi ɓakpa ɓɔbu kala phɛɛ. Kɛ̌kɛnde gǎkɛ, aphangi ye tɔ base ka ɓakpa nɛkɛ.

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

1 Ɓatɛsalɔníka 5:25

Ɓaya, mɛmani Mokonga ka phɔasu.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Philɛmɔ́nɔ 1:22

Gǔ índɔ, ɓɔngisiaga phɔtɔ kani ɔma á tɔ̌. Nga, neseɓei te, Mokonga aɔ́kande ɛmɛmi nɛnu, â goto omojisa mɔtɛ-anu.