Ɓakɔlɔsái 4:2 - Ɔngana á Kɛ̌kɛ

² Suiani ɛmɛmi, ɛ́ngɛphani k'ɛ́mɛmi kau, ɓáni phɔtɔ na měma á ɓosegi ka Mokonga.

Ɓakɔlɔsái 4:2 Iomraidhean Croise

Matáyɔ 26:41

Cɔ, ɓókoɗɛmbɛ, mɛmani Mokonga gea te, ɓókoguɛmbɛ ka mbenɔ á tombaga, měma ana ɓukpɛkpɛ, nyama gǎkɛ aunge aɔlɔmani.»

Málikɔ 13:33

Eya, ɛ́ngɛphani, ɓókoɗɛmbɛ. Nga, ɓókóoúba esa ndɔɔ.

Lóka 18:1

Yéso ɗěngoɗi ɓagoigi nɛkɛ mɛní ka úbisa aɓɔ te, akeni ɓámɛmɛ Mokonga esa bubui kángá phúia á měma.

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Ekuma á ɓateki 1:14

Ɓɔbu, na měma moci, ɗáɓá na moíngi á dondanaga k'ɛ́mɛmi. Ɗáɓáɔmɛma kimoci na Malía amakɛ na Yéso, ɓana-amakɛ na Yéso, na ɓake ɓuangbo.

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓaphilípi 4:6

Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.