Ɓakɔlɔsái 4:10 - Ɔngana á Kɛ̌kɛ

¹⁰ Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

Ɓakɔlɔsái 4:10 Iomraidhean Croise

Ekuma á ɓateki 12:12

Ɓî aengekisi ye gǎkɛ nyɔngɔ ndɔ, áoga mɔtɛ á Malía, amakɛ na Yoáni, mmbɔ ɓáɔmɔphana Málikɔ. Kó, ɓakpa ɓásii ɗáɓádondanigi ka mɛma á Mokonga.

Ekuma á ɓateki 12:25

Cɔ, ɓî Baanába na Saúlɔ ɓágɔɓi ye ekuma nɛɓɔ ka Yɛusalɛ́ma, ɓáɔmbɛɗa Yoáni, mmbé ɓáɔmɔphana Málikɔ, áoja na ɓɔ.

Ekuma á ɓateki 13:13

Mbusa, Pɔ́lɔ na ɓadakɛ ɓáotóka na Páphɔ, ɓáokambea ka koko ángbó, ɓáojaba ka Pɛ́ɛga nnde á ka ntanga-nji á ka Pamphilía. Wa, Yoáni-Malíkɔ áokatana na ɓɔ, áoja na Yɛusalɛ́ma.

Ekuma á ɓateki 13:5

Ɓî ɓákiɗi ka Salámi, ɓáɔtɔmia nyɔngɔ á Mokonga k'éndu á madondanɔ ndea Ɓayúda ka nyɔngɔ á Mokonga. Yoáni-Málikɔ ɗátú kimoci na ɓɔ ka enga aɓɔ k'ékuma.

Ekuma á ɓateki 19:29

Kɛ̌kɛndɔ, oyombo áɔɛmba ka ntanga-nji bui. Ɓáǒdunga Gáyɔ na Aisitákɔ ɓato á ka Makɛdɔnía ɓunde ɗáɓáotamba na Pɔ́lɔ. Ɓáokamisaga ngia ɓɔbu ka ntanga á njoko.

Ekuma á ɓateki 20:4

Ɓadakɛ ɓundɔ ɗátambi na ɓɔ ɗáɓátú: Sɔpatɛ́i muna Píɔ, nto á ka Bɛlɔ́ya, Aisitákɔ na Sɛkúndɔ ɓato á ka Tɛsalɔníka, Gáyɔ nto á ka Dɛ́ɛbɛ, Timɔtɛ́ɔ na ɓato á ka Asía ɓaɓɛ, Tikíkɔ na Tɔɔphímɔ.

Ekuma á ɓateki 27:2

Wa, ɓéokambea ka koko nde ɗátóki na Adaamíti, n'aoga ka ikɔ ɗanga-ɗanga á nji á ka Asía. Mpɔ, ɓéoga. Aisitákɔ nto á ka ntanga-nji á ka Makɛdɔnía, ka nji á Tɛsalɔníka, ɗátú phɔtɔ kimoci na ɓesu.

Ekuma á ɓateki 4:36

Cɔ, nkpa moci ɗátú sɔsɔɓɛ aɓɔ, ina akɛ n'ande Yɔsɛ́phu Moláwi mmbé nji á ɓɔkɔtɛana nɛkɛ ande Kipúɔ, mmbé ɓateki ɗáɓáɔmɔphana Baanába. Ande gea te: «Ngbagisigi.»

Ɓalɔ́ma 16:2

Nseseani yɛ ɓíndɔ ɓakiísito ɓámôogeaga k'ína á Mɔkɔta. Néngani ka kema bui nde ana siki í nga, yɛ ɗééngi ɓakpa ɓásii n'eme phɔtɔ.

Ɓalɔ́ma 16:7

Něsambei ɓatia-abɛ na ɓadani Andɔɔníkɔ na Yunía ɓunde ɗétú na ɓɔ suɓi á mekakɔ. Ɓɔ, ɓána ɓoombia phɛɛ sɔsɔɓɛ á ɓateki, ɓɔ, ɗáɓámɓeeki Kiísito mosá ani.

2 Timɔtɛ́ɔ 4:11

Cɔ, Lóka sasakɛ áambé a tɔ n'eme. Mbika na Malíkɔ nga, akeni ka engani k'ékuma nɛmɔ.

Philɛmɔ́nɔ 1:23

Epáphaa mmbé ɓena yɛ ka mekakɔ ka nyɔngɔ á Kiísito Yéso akosambei.

Philɛmɔ́nɔ 1:24

Ɓadani ɓabɛɗanigi: Málikɔ, Aistákɔ, Dɛ́ma na Lóka, ɓánósambei phɔtɔ.

1 Pɛ́tɛɛ 5:13

Ɓato á ka kanisa á Babɛ́li ɓunde Mokonga ɛ̌sɔmbu ɓea ɓenu, ɓánósesi. Málikɔ miki nɛmɔ á ka měma anósesi phɔtɔ.