Ɓakɔlɔsái 3:8 - Ɔngana á Kɛ̌kɛ

⁸ Kɛ̌kɛnde ye gǎkɛ, sagani nndɔ bui kaɓɛ: ɓɛí, oyombɔ, kokae. Mbóma, kaɓɛ ɛphɔ́ti, kajúanɛmbɛ k'aphenɔkɔ anu.

Ɓakɔlɔsái 3:8 Iomraidhean Croise

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 7:22

gúa n'etoa, kuma, kokae, maibe, iɛɓɛ, nsengo, ɛphɔti, ébeba, kobóbó.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:20

ɗokomisa á ɓamokonga á mbɛa na eemba, ngíní, sani, nsengo, esúia, kuma, katanaga ka ketoto.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaɛphɛ́sɔ 4:25

Kaɓondɔ, ɗeketani yɔnga á mbɛa. Ambe nkpa na nkpa án'yɔngɛɛ dakɛ nyɔngɔ á ɗoni nga, ɓesu ɓɔbu, ɓende gbútuka á nyama á Kiísito.

Ɓaɛphɛ́sɔ 4:26

Kaɓɛ na ɓɔɓɛí, ɓɛí ndɔ kanóngisɛmbɛ mɔnɔ ka ɓojeɗe na ɓókómakɛmbɛ esa suɓi á ɓɛí kau.

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

Ɓaɛphɛ́sɔ 5:4

Ɓókóyɔngɛgɛ mɔnɔ nyɔngɔ á soni, nyɔngɔ á kobóbó na nyɔngɔ nde ajɔɔkani. Ambe ɓónsegɛ ndiu Mokonga ka ɛmɛmi nɛnu.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Ɓakɔlɔsái 3:9

Ɓókodemanɛgɛmbɛ. Nga, ɓo ye ɗeketi tambea anu na ɓoiki anu á kala.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

1 Timɔtɛ́ɔ 1:20

Imɛnɛ́ɔ na Alɛkisándɛɛ ɓá sɔsɔɓɛ aɓɔ. Kaɓondɔ, ɗébisi ɓakpa ndɔ ka njaga á Sɛtáni ka gea, ɓákámbómɛmbɛ ye Mokonga.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Yakɔ́ɓɔ 2:7

Nna phɔtɔ ɓɔ ɓáunge ɓáobóma ina ánjá nde Mokonga ɗánóphi?

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 2:7

Mokonga ɗánamisi gǎkɛ Lɔ́ti, nto á koɗoni mmbé ɗáotambaga ka měma phɛɛ ka nyɔngɔ á tambea ájeɗe ndea ɓato á ka ntanga-nji ndɔɔ.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.

Yúda 1:8

Eya, ɓakpa ɓájeɗe ɓundɔ ɗáɓángí ka nkíndí anu ka ɓɔsɔmɛa, ɓá phɔtɔ ogea ɓó. Njeki nde ɓáoɗa ně, a tɔ á mɔphɛ á uja nyama aɓɔ sasaɓɔ na ɓɛnjiaga kɔkɔta ndea Mokonga. Ɓáǒbóma econji á ɓoombia á na koba.

Mphaniɔ 16:9

Ɓɛta á maní akpɛ áǒsiɗisa ɓakpa, ɓáombóma Mokonga mmbé ana ɓukpɛkpɛ gǔ á tambaga. Ɓákákondɛ gǎkɛ kětia á tambea aɓɔ na ɗokomisa á Mokonga.