Ɓakɔlɔsái 3:5 - Ɔngana á Kɛ̌kɛ

⁵ Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Ɓakɔlɔsái 3:5 Iomraidhean Croise

Matáyɔ 15:19

Nga, suɓi á měma á nkpa, aunge aotóka: kanisia ájeɗe, mowanaga á ɓakpa, gúa n'etoa, mambɔ, kuɓa, gamá á nkpa ka nyɔngɔ á mbɛa, mbóma.

Ɓalɔ́ma 1:26

Kaɓondɔ unge, Mokonga ɗáeɗeketi ɓáɓeɛ mɔphɛ nɛɓɔ á soni. Ɓake nɛɓɔ ɓâ koanganisa moangɔ á ɓǒko ɗága aɓɔ, ka ɗanaga ndiu ɓake ka ɓake.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 7:23

Suɓi á nyama ani nɛɔni gǎkɛ ɛɔphi nɛngbo nnde aomanisa kanisia ani. Nndɔ unge amobisi ka kɔkɔɓɛ ɛ́ɔphi á ɓojeɗe nde aɔbɛɗanaga suɓi ani.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

1 Ɓakɔlítɔ 5:1

Mbino anu aɔɔ́kɛkana ɔma bui gea, ɓona nyɔngɔ á iɛɓɛ sɔsɔɓɛ anu. Iɛɓɛ kau, aájeɗe phɛɛ nnde ɓákádondimbɛ mɔnɔ, nanga áɓá ka ɓunde ɓáná ɓaɓêki nga, ɓági te, ka ɓenu moci amukí nka-abakɛ!

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

1 Ɓakɔlítɔ 6:13

Ɓogi goto te: «Ɓáconji eea ka nyɔngɔ á sɔphɔ, sɔphɔ ka nyɔngɔ á eea.» Mokonga aújande gǎkɛ kema ndɔ bui. Cɔ, ɓákáconji gǎkɛ nyama á nkpa ka nyɔngɔ á iɛɓɛ. Nyama a ndiu ka nyɔngɔ á Mɔkɔta na Mɔkɔta ka nyɔngɔ á nyama.

1 Ɓakɔlítɔ 6:18

Ɓángáni otungɔ. Ɓojeɗe nɛngbo bui nnde nkpa áogea, a ɗanga na nyama akɛ. Nkpa nde a gǎkɛ ǒyamea k'ótungɔ, agi ɓojeɗe ka nyama akɛ sasakɛ.

2 Ɓakɔlítɔ 12:21

Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 4:19

Ɓáná ye oúba tinganisa nyɔngɔ ánjá na nnde aájeɗe. Ɓáotambea ɓíndɔ ɓákondi. Nyɔngɔ ájeɗe-jeɗe bui nde ɓá na mɔphɛ í, ɓáogea ú kángá ɛnyɛ́.

Ɓakɔlɔsái 2:11

Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.

1 Ɓatɛsalɔníka 4:3

Nga, Mokonga akondi gea, ɓóɓɛ ɓakpa ɓ'ánjá phɛɛ, ɓóɓangɛ iɛɓɛ,

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

Ɓaɛbulanía 12:16

Ka ɓenu kaɓɛmbɛ nto á iɛɓɛ na ɓɛnjiaga á kema á ɓonjánja ndea Mokonga ɓea Ɛsáu, mmbé ɗásombisi ɓokutú á ɓɔkɔtɛana akɛ mosá ka nyɔngɔ á eea.

Ɓaɛbulanía 13:4

Ambe ɓakpa ɓɔbu ɓáɗokomisɛ eyamani. Ɓɔ́kɔjɔɔkisɛmbɛ eka nga, Mokonga atenande akpɛ nyɔngɔ á komusɔngɔ na nyɔngɔ á iɛɓɛ.

Ɓaɛbulanía 13:5

Ɓókobisɛmbɛ měma anu phɛɛ ka nyɔngɔ á imɔna. Ɓeekeani ndiu enda na nkumba nde ɓoně nga, Mokonga ɗági te: «Kékoɗeketɛeka, kékosagɛeka.»

Yakɔ́ɓɔ 4:1

Cɔ, ngíní na sani sɔsɔɓɛ anu atóki súwani? Nna phɔ́ otóka ka mɔphɛ ájeɗe nde aomana suɓi anu?

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.