Ɓakɔlɔsái 3:3 - Ɔngana á Kɛ̌kɛ

³ Nga, ɓo ye ku, na enda anu aɛsɔmɛani ka Kiísito suɓi á Mokonga.

Ɓakɔlɔsái 3:3 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Yoáni 5:40

Nanga áɓá ɓó, ɓókókondi gǎkɛ bikia ani ka ɓá na enda.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

2 Ɓakɔlítɔ 5:14

Ekondi ndea Kiísito aunge aɔsɔ́sɔndɔɛa. Nga, ɓesu ɓáunge ɓeoúba ɗoni gea, Kiísito ɗásókui ɓesu ɓɔbu. Ande gea te, ɓakpa ɓɔbu ɓasí ye tɔ kimoci na yɛ.

2 Ɓakɔlítɔ 5:7

Ande gea te, ɓeoenda suɓi á ɓeekea kángá á ɔna ka kema.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓaphilípi 4:7

Mpɔ, Mokonga áonóamba, áobisa ɓujɛjɛ ka měma anu, ɓujɛjɛ ndɔ n'anyɛ́nyi úbapha bui, aámbande měma anu ka nyɔngɔ nde, ɓɔɔngani na Kiísito Yéso.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

1 Pɛ́tɛɛ 3:4

Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Mphaniɔ 2:17

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui! Mmbé akíndande, nemophande mana nde ɗɛ́sɔmi. Nemophande phɔtɔ ɛtɛ ábu, na neɗundu ina á kɛ̌kɛ gǔ í, nnde nkpa ɓaangbo nnaoúba na nna tɔndɔ mmbé ɓámophi ú.