Ɓakɔlɔsái 3:23 - Ɔngana á Kɛ̌kɛ

²³ Kema bui nde ɓoogea, geani ú na měma mo, ɓíndɔ ɓáogea ka phɔa Mɔkɔta, nna ka ɓakpa.

Ɓakɔlɔsái 3:23 Iomraidhean Croise

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

Ɓalɔ́ma 14:8

Nga, aoɓá na ɓeoenda, ɓeoenda ka Mɔkɔta, kaɓɛ na ɓéokuwa, ɓéokuwa ka Mɔkɔta. Kaɓɛ ɓékuwa, ɓéenda, ɓende ɓakpa ndea Mɔkɔta.

Ɓaɛphɛ́sɔ 5:22

Ambe ɓake ɓáikɛ kusi á kɔkɔta á ɓamunyaɓɔ ɓíndɔ ɓá kusi á kɔkɔta ndea Mɔkɔta.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:13

Ɔ́ɓɔ́kani ɓakɔta ɓɔbu á ka mokonda ka nyɔngɔ nde, ɓomɓeeki Mɔkɔta: Kaɓɛ moamɛ mmbé ana kɔkɔta gǔ á ɓakpa ɓɔbu,

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.