Ɓakɔlɔsái 3:17 - Ɔngana á Kɛ̌kɛ

¹⁷ Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

Ɓakɔlɔsái 3:17 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Ekuma á ɓateki 19:17

Ɓakpa ɓɔbu ɓunde ɗáɓátú ka Ɛphɛ́sɔ, Ɓayúda na ɓunde ɓáná Ɓayúda, ɓáɔɔ́ka nyɔngɔ ndɔ, ɓáoɓá na kɔɓɔɓɔkɔ phɛɛ. Kaɓondɔ, ina á Mɔkɔta Yéso áoɓá n'obebɔ.

Ekuma á ɓateki 4:30

Phangia ɓukpɛkpɛ nɛkɔ ka tɔtɔkisa á ɓoamia, mphangiɔ na ketangaɔ k'ína á mbɛɗanigi nɛkɔ Yéso, nto á kanga ɓojeɗe.»

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

1 Ɓakɔlítɔ 10:31

Cɔ, kaɓɛ na ɓooeaga, ɓoonoa na ɓoogea kema sina, geani tɔ kema bubui ka sega á Mokonga.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:23

Kema bui nde ɓoogea, geani ú na měma mo, ɓíndɔ ɓáogea ka phɔa Mɔkɔta, nna ka ɓakpa.

1 Ɓatɛsalɔníka 1:1

Ka ɓaɓêki á ka Tɛsalɔníka, sambani. Eme Pɔ́lɔ aámbé neɗundu ɓaoɓa ndee. Ɓe kimoci na Síla, na Timɔtɛ́ɔ. Ɓenu ɓáunge ɓɔɔngani na Abasu Mokonga, na Mɔkɔta Yéso Kiísito. Cɔ, ɓujɛjɛ na ɓonjánja áɓɛ ka ɓenu.

1 Ɓatɛsalɔníka 5:18

nségani ka nyɔngɔ nɛnu bui. Nga, nyɔngɔ ndɔ ande mɔphɛ á Mokonga ka ɓenu ɓunde ɓɔɔngani na Yéso Kiísito.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

Ɓaɛbulanía 1:5

Nga, nna na ka ɓamalaéka nde Mokonga angoɗimbɛ mɔnɔ gea: «Oɓɛ onde Miki-Mǒko ndeamɔ. Kesande eme nende Abakɔ.» Goto kángoɗimbɛ mɔnɔ tanda ka ɓamalaéka: «Neɓande ka yɛ, Abakɛ na aɓande k'éme, Miki-Mǒko.»

Ɓaɛbulanía 13:15

Cɔ, k'aphe ndea Yéso, ɓémophɛni Mokonga ɔphɛ́ɔ á ɗokomisa akɛ ka mbenɔ bui, ande gea te nnde aotóka k'aphenɔkɔ á ɓunde ɓáobeba ina akɛ.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Yoáni 2:23

Ande gea te, nkpa nde an'yé Anakɛ, an'yé phɔtɔ Abakɛ. Mmbé amɓeeki gǎkɛ Anakɛ, amɓeeki phɔtɔ Abakɛ.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.