Ɓakɔlɔsái 3:16 - Ɔngana á Kɛ̌kɛ

¹⁶ Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓakɔlɔsái 3:16 Iomraidhean Croise

Matáyɔ 26:30

Mbusa á ɓɔ émbá, ɓáoga ka mamba á Mijɛitúni.

Lóka 2:51

Mbusa, â ye tɔ oga na ɓɔ na Najalɛ́ti, n'aɔɓɔ́ka ɓaɓɔkɔti akɛ. Amakɛ áoamba nyɔngɔ ndɔ bui ánjá ka měma akɛ.

Yoáni 15:7

Aoɓá na ɓoiki suɓi ani, nyɔngɔ nɛmɔ n'aiki suɓi anu, cɔ, mɛmani kema bui nde ɓokondi, na ɓɔtɔande.

Ɓalɔ́ma 10:17

Nga ɓeekea aotóka k'índe nkpa aɔ́ki. Mbino kau aotóka ká ɓɔphɛi ndea Kiísito.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

1 Ɓakɔlítɔ 14:15

Cɔ, négeɛ ɓo? Nɛmɛmande Mokonga ka měma ani, phɔtɔ na ka úbapha ani. Neembande ka měma ani, nê phɔtɔ oemba ka úbapha ani.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 5:17

Kaɓondɔ unge, ɓókóbóbókɛmbɛ, úbani ndiu ánjá mɔphɛ á Mɔkɔta.

Ɓaɛphɛ́sɔ 5:19

Yɔngɛanagani nyɔngɔ nde a suɓi á Jabúi. Embɔ á suɓi á měma, némbeani Mɔkɔta embɔ á ɓuku á Jabúi ka beba akɛ suɓi á měma anu.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 4:6

Ambe yɔnga nɛnu áɓɛ ánjá esa bui na ɛ́ɓɔngɛɛ ɓakpa na ambe ɓóɓɛoúba sikisia á yɔnga ka nkpa na nkpa ɓíndɔ akeni.

1 Ɓatɛsalɔníka 1:8

Nga, ka nyɔngɔ anu, nyɔngɔ á Mɔkɔta ɗáɛmbi ka mokonda bui, nna tɔndɔ ka Makɛdɔnía na ka Akáya. Nga, ɓeekea nɛnu ka Mokonga aunge andandisi nyɔngɔ nɛkɛ. Kaɓondɔ unge, ɓéké ye na nyɔngɔ angbo á ngoɗea á ɓakpa.

1 Ɓatɛsalɔníka 4:18

Cɔ, phiphisanani měma ka nyɔngɔ ndɔɔ.

2 Ɓatɛsalɔníka 3:15

Ɓɔ́kɔmbɛɗɛmbɛ ɓea mɓiɓia, mphɛani ndiu ɓea muna-amanu.

1 Timɔtɛ́ɔ 6:17

Óngoɗea ɓatɔi á ka mokonda á kɛ̌kɛnde gea, ɓákěbebɛmbɛ, phɔtɔ ɓákáseɓeɛmbɛ ɛtɔi nde nna koiphia ka ujukana. Ɓánseɓeɛ ndiu Mokonga mmbé aosópha kema bubui ka gea te, ɓéɓɛ na maseye ka phɔa í.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Títɔ 3:6

Nga, Mokonga ɗándandisi phɛɛ Měma á kanga ɓojeɗe suɓi asu k'aphe ndea Yéso Kiísito, Namisi nɛsu.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 5:13

Aoɓá ka ɓɛnu moci n'aotambaga, ámɛmɛ Mokonga. Aoɓá n'ana maseye, ánnembeɛ embɔ óbebɔ.

1 Yoáni 2:14

Ɓaniki amɔ, nenóɗundui ka nyɔngɔ nde, ɓomúbi Abɛ. Ɓ'abɛ, nenóɗundui ka nyɔngɔ nde, ɓomúbi mmbé ɗátú kpanga nkpangeɔ. Ɓaganda, nenóɗundui ka nyɔngɔ nde, ɓona ɓukpɛkpɛ, nyɔngɔ á Mokonga a suɓi anu na ɗóɓonkíndí Nto-ajeɗe.

1 Yoáni 2:24

Aoɓá nyɔngɔ nde ɗɔ́ɓɔɔ́ki kpanga nkpangeɔ n'aiki suɓi anu, ɓɔɔnganande phɔtɔ n'Anakɛ n'Abakɛ.

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.

2 Yoáni 1:2

ka nyɔngɔ nde, ɗoni ndɔ aiki suɓi asu na aɓande na ɓesu mɛyɔ.

Mphaniɔ 14:3

Ɓakpa ɛlɛphu mia moci nkama gena na gena (144.000) ndɔ ɗáɓáoemba embɔ á kɛ̌kɛ mosá á kankaanga á Mokonga na mosá á econji gena nde aoenda na mosá á ɓagbɛga. Nna na nkpa nde ɗátɔki goaga embɔ ndɔ, na nna tɔndɔ ɓakpa ɛlɛphu mia moci nkama gena na gena (144.000) ɓunde ɗáɓěsombi ka mokonda.

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.