Ɓakɔlɔsái 3:15 - Ɔngana á Kɛ̌kɛ

¹⁵ Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:15 Iomraidhean Croise

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ɓalɔ́ma 1:21

Nanga ɗáɓáomúba Mokonga, ɓákáɓɛ onɗokomisa na sega akɛ ɓíndɔ akeni gea í ka Mokonga. Ɓâ ndiu óɓá na kanisia á kanga kantíti, měma aɓɔ á kanga úbapha áoɓá na kaiphiɔ.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

1 Ɓakɔlítɔ 10:17

Nga, mokati ndɔ a tɔ moci. Nanga ɓéɓika, ɓe tɔ nkpa moci ka nyama. Nga, ɓe tɔ ogabisanaga mokati ndɔ moci.

1 Ɓakɔlítɔ 7:15

A gǎkɛ oɓá mmbé nna mɓêki, n'akondi ɗoana na mɓêki, áɗoanɛ. Aoɓá n'a ɓó, mǒko, kaɓɛ nke mmbé ande mɓêki nna kusi ɛ́ɔphi nga, Mokonga ɗánɔɔphani gea, ɓóikɛ ka ɓujɛjɛ.

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

2 Ɓakɔlítɔ 9:11

Mokonga anóphande ɛtɔi ásii ka gea, ɓóɓɛ na ɓukpɛkpɛ á gabea á ɓakpa mbenɔ bui. Mpɔ, ɓáombeba Mokonga ka nyɔngɔ égabɔ nɛnu nde ɓɛ̌nyɛ́nyisiande.

Ɓaɛphɛ́sɔ 4:16

Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓaɛphɛ́sɔ 5:1

Ɓî ɓonde ɓaniki ékondi ndea Mokonga, akeni tambea anu ákengeanɛ na Yɛ.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Ɓatɛsalɔníka 5:18

nségani ka nyɔngɔ nɛnu bui. Nga, nyɔngɔ ndɔ ande mɔphɛ á Mokonga ka ɓenu ɓunde ɓɔɔngani na Yéso Kiísito.

1 Timɔtɛ́ɔ 2:1

Mosá á kema bubui, nɛnɔ́phɛí ɓe: mɛmani Mokonga ka phɔa á ɓakpa ɓɔbu, ɓónɗengemisɛgɛ, na ɓónsegɛ ka phɔaɓɔ.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

Ɓaɛbulanía 13:15

Cɔ, k'aphe ndea Yéso, ɓémophɛni Mokonga ɔphɛ́ɔ á ɗokomisa akɛ ka mbenɔ bui, ande gea te nnde aotóka k'aphenɔkɔ á ɓunde ɓáobeba ina akɛ.

Mphaniɔ 7:12

ɓáogea: «Áɓɛ ɓó! Obebɔ, ɓoombia, kɔɓɔɔngɛ, ɓosegi, ɓokutú, ɓukpɛkpɛ phɛɛ, áɓɛ ka Mokonga nɛsu ka saga na saga. Áɓɛ ɓó!»