Ɓakɔlɔsái 3:13 - Ɔngana á Kɛ̌kɛ

¹³ Phiphianani, aoɓá ka ɓenu n'ana nyɔngɔ á kitɔngi ka dakɛ, áímɛ ú ɓíndɔ Mɔkɔta ɗáími ɓojeɗe nɛnu.

Ɓakɔlɔsái 3:13 Iomraidhean Croise

Matáyɔ 5:44

Eme nenóngoɗi gǎkɛ te: ókondani ɓaɓibia nɛnu, ɓɔ́mɛmɛ ndiu Mokonga ka phɔa ɓundɔ ɓáonótambisaga.

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Málikɔ 11:25

A phɔtɔ oɓá na ɓomame ka mɛma á Mokonga, na ɓona nyɔngɔ na nkpa, ímani ɓojeɗe nde ɓánogǐí ka gea te, Abanu mmbé á na koba áímɛ phɔtɔ ɓojeɗe nɛnu. [

Lóka 11:4

Íma ɓojeɗe nɛsu nga, ɓesu sasasu ɓe phɔtɔ oíma ka ɓakpa ɓɔbu ɓojeɗe nde ɓasogǐí. Kosóɗeketɛmbɛ ka mbenɔ á tombaga.»

Lóka 23:34

Mpɔ Yéso áɔyɔnga gea: «Abɛ íma ɓojeɗe nɛɓɔ nga, ɓákáoúba kema nde ɓáogea.»] Wa, ɓáogabisana ngɔ́mbɛ nɛkɛ mbusa á ɓɛta ɓana-mɛlɔɛ kau.

Ɓalɔ́ma 15:7

Cɔ, seseanani na maseye ɓíndɔ Kiísito ɗánósesi phɔtɔ ka gea Mokonga áɓɛ n'obebɔ.

2 Ɓakɔlítɔ 2:10

Aoɓá n'oími ɓojeɗe ndea nkpa, nê phɔtɔ oíma ú. Mbenɔ nde neoíma, aoɓá na nena ɓojeɗe nɛngbo ásii á íma í, neoíma ú ka nyɔngɔ anu mosá á Kiísito.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 6:2

Ɓî a ɓó, ambe nkpa na nkpa ákumbɛ ɓoɗoko á dakɛ. K'aphe ndɔ unge, ɓoɓeande ɛɔphi ndea Kiísito.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.