Ɓakɔlɔsái 3:11 - Ɔngana á Kɛ̌kɛ

¹¹ Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓakɔlɔsái 3:11 Iomraidhean Croise

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

Yoáni 15:5

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

Ekuma á ɓateki 15:17

Ka gea te, ɓakpa ɓunɛngbo ɓɔbu ɓánkaɓande Mɔkɔta. Eya, ɗáɛɓɔphani ɓato á k'ékuna bui, ɓunde ɗáɛɓɔphani gea te ɓábɛ ɓuamɔ. Nndɔ unge Mɔkɔta ayɔngi,

Ekuma á ɓateki 28:2

Ɓato á ka kesanga ndɔ, ɗáɓásógǐí ánjá phɛɛ. Ɓɔ, ɓáotoɓoa nsa, ɓáosódondanisa ɓesu ɓɔbu ka mpɛphɛ í nga, mbua ɗáɔɔka, phiɔ áoɓá phɛɛ.

Ekuma á ɓateki 28:4

Ɓî ɓato á ka kesanga ndɔ ɓámɔni mpapha n'aoyangataga ka njaga á Pɔ́lɔ, ɓáɔyɔngaga sɔsɔɓɛ aɓɔ te: «Nkpa nde ande nto á kaiso ɗoni nga, aóloki phɔ́ kukuwa k'óɓenge. Ka ɓeana na mokonga nɛsu á mbɛa mmbé ɓáomɔphana koɗoni, kátókeni gǎkɛ yɛ, áendɛ.»

Ɓalɔ́ma 1:14

Nende mbɛɗanigi ka enga ɓakpa ɓɔbu. Enga Ɓagiíki na enga á ɓunde ɓáná Ɓagiíki. Enga á ɓaúbaphi na enga á ɓabóbó.

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 3:22

Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

Ɓalɔ́ma 3:29

Ande gea te, Mokonga a tɔ Mokonga ndea Ɓayúda? Nna phɔtɔ Mokonga ndea ɓunde ɓáná Ɓayúda? Eya! A phɔtɔ Mokonga ndea ɓunde ɓáná Ɓayúda

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 14:11

A gǎkɛ oɓá na kéoúba kantíti á ɛyɔngi, nkpa nde aɔyɔnga ɛyɔngi ndɔ, aɓande k'éme mɔkɛni, nê phɔtɔ oɓá mɔkɛni ka yɛ.

1 Ɓakɔlítɔ 7:19

Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 1:23

Nga, kanisa ande nyama á Kiísito. Suɓi í unge Kiísito aiki buakɛ, ɓíndɔ atúmisi kema bui k'ɔ́ma bui ka mokonda.

Ɓaɛphɛ́sɔ 2:14

Kiísito sasakɛ aámbé asóbikisíí ɓujɛjɛ ka jukanisa Ɓayúda na ɓakpa nde ɓáná Ɓayúda ɓáoɓá ekuna moci. Ka nyɔngɔ á kukuwa akɛ aunge ɗáuɗi ɓǔkendu nde ɗáekatanisi na bisa koɓiɓia sɔsɔɓɛ aɓɔ.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓaɛphɛ́sɔ 6:8

Kanisiani gea, nkpa na nkpa mmbé aogea ɓonjánja, nanga áɓá nkɔɓɛ, káɓi nkɔɓɛ, Mɔkɔta amphendande ka ɓeana na ɓonjánja nde ɗági.

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

2 Yoáni 1:9

Nkpa buakɛ mmbé nnaoamba ɓɔphɛi ndea Kiísito, na aámbi ndiu ɓɔphɛi nde atingani ně, kájúkani na Mokonga. Mmbé aámbi ɓɔphɛi ndea Kiísito, ajúkani n'Abɛ â phɔtɔ ojúkana na Miki.