Ɓakɔlɔsái 3:1 - Ɔngana á Kɛ̌kɛ

¹ Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

Ɓakɔlɔsái 3:1 Iomraidhean Croise

Matáyɔ 22:44

‹Mɔkɔta-Mokonga angoɗi Mɔkɔta nɛmɔ: Ika nkɛkɛɔ á njaga ani á mǔku, na ka ɓî něbisande ɓaɓiɓia akɔ kusi á ecinji akɔ.›

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Matáyɔ 6:20

Tundukisagani ndiu ɛtɔi nɛnu na koba, kuɓî ɓansɛngɛ na ɓánkɛngɛɔ ɓákáújɛku ú, ɓakukuɓa ɓákáɔtɔka ɓúna éndu ka uɓa í.

Matáyɔ 6:33

Kaɓani phɔ́ koɓoamɛ na koɗoni ndea Mokonga. Mpɔ, anóphande kema bubui nde anójiganei.

Málikɔ 12:36

Nga, Daúdi sasakɛ, Měma á kanga ɓojeɗe ɗánteki áyɔngɛ ɓe: Mɔkɔta Mokonga ɗángi Mɔkɔta nɛmɔ te, Ika ka njaga ani á mǔku, na ka ɓî něbisande ɓaɓiɓia akɔ kusi á ecinji akɔ.

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Lóka 12:33

Sombisani nkumba nɛnu, ɓóɓophɛ ɓato á ɓuyɛnɛ imɔna í. Ɓɔngisiani ndiu kanu njombi á na koba, nnde nnaoújukana. Phombeagani kanu ɛtɔi na koba k'ɔ́ma nde ɓákáújɛku, ɓakukuɓa ɓákádondɛeka na ɓansɛngɛ ɓákáújɛeka

Lóka 20:42

Nga Daúdi sasakɛ aámbé ayɔngi suɓi á ɓuku nɛkɛ á embɔ gea: ‹Mɔkɔta Mokonga ɗángoɗi Mɔkɔta nɛmɔ: Ika ka njaga ani á mǔku,

Lóka 22:69

Cɔ, kpanga kɛ̌kɛnde Muna-Nkpa aikande ka njaga á mǔku ndea Mokonga mɛna-ɓukpɛkpɛ.»

Ekuma á ɓateki 2:34

Nga, nna Daúdi aámbé ɗátái na koba. Ɗáyɔngi ndiu sasakɛ gea: ‹Mɔkɔta Mokonga ɗángoɗi Mɔkɔta nɛmɔ gea, ika nkɛkɛɔ á njaga ani á mǔku,

Ekuma á ɓateki 7:55

Sɛtɛphánɔ â gǎkɛ otúma na Měma á kanga ɓojeɗe, áoenga na koba, áɔɔna ɓoombia ndea Mokonga, Yéso n'amamege ka njaga akɛ á mǔku.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

Ɓalɔ́ma 8:6

Cɔ, nkpa aoɓea tambea á kokpa, tambea ndɔ áonkusa. Nkpa a gǎkɛ oɓea tambea á Měma á Mokonga, tambea ndɔ áomopha enda na ɓujɛjɛ.

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

Ɓaɛphɛ́sɔ 4:10

Cɔ, mmbé ɗádidi, yɛ tɔndɔ aámbé ɗátái phɔtɔ gǔ phɛɛ na koba ka gea, átúmisɛ mokonda bui.

Ɓaɛphɛ́sɔ 5:22

Ambe ɓake ɓáikɛ kusi á kɔkɔta á ɓamunyaɓɔ ɓíndɔ ɓá kusi á kɔkɔta ndea Mɔkɔta.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 3:2

Bisani měma anu ka kema nde ana koba, kaɓɛmbɛ k'índe á ka mokonda.

Ɓaɛbulanía 1:13

Mokonga kángoɗimbɛ mɔnɔ tanda ka ɓamalaéka ndeakɛ: «Ika ka njaga ani á mǔku, na ka ɓî něbisande ɓaɓiɓia ndeakɔ kusi á ecinji akɔ.»

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 10:12

Kiísito ɗábisi ndiu nyama akɛ sasakɛ k'ɔ́phɛ́ɔ mɔngɔ ímoci tɔndɔ ka íma á ɓojeɗe. Mbusa á í, áoika ka njaga á mǔku á Mokonga ka saga na saga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.