Ɓakɔlɔsái 2:8 - Ɔngana á Kɛ̌kɛ

⁸ Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

Ɓakɔlɔsái 2:8 Iomraidhean Croise

Matáyɔ 10:17

Ɔ́ɛnjiani ánjá nga, ɓakpa ɓánɔtɔngande ka ntua á tena á nyɔngɔ na ɓinda anu k'éndu á madondanɔ ndea Ɓayúda ka nyɔngɔ á Mokonga.

Matáyɔ 16:6

Yéso áǒngoɗea te: «Óengani na cacu ndea Ɓaphaisáyɔ na Ɓasadukáyɔ.»

Matáyɔ 7:15

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 17:32

Ɓî ɓato á ka Atɛ́nɛ ɓáɔ́ki ye nyɔngɔ á jujúka á ɓasí ka kukuwa, ɓuangbo ɓáɔntɛbɛa, ɓuangbo ɓâ gǎkɛ ogea te: «Ɓɛɔ́kande goto n'ɔɔyɔnga nyɔngɔ ndɔ esa nɛngbo.»

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 10:12

Cɔ, nkpa nde aokanisia gea te, amame, éambɛ. Kaguɛ mɔnɔ.

1 Ɓakɔlítɔ 8:9

Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

2 Ɓakɔlítɔ 10:5

ɓeogusa kema bubui nde ɓakpa ɓáǒbeba ně ka imisia úbapha ndea Mokonga. Úbapha ájeɗe áoɓá ɓea nto émani, mmbé ɓándungi, ɓáomakea ka mekakɔ gea, ámɔ́kɛ tɔ Kiísito.

Ɓagalatía 1:14

Eya, ɗégoigi nyɔngɔ ésomba ndea Ɓayúda kɔ̌nyɛ́nya ɓamoenga ani. Ɗétú na moíngí phɛɛ kɔ̌nyɛ́nya ɓɔ ka unia asii ndea ɓatatasu.

Ɓagalatía 4:3

Ɓesu phɔtɔ, ɗéɓetú mosá ɓea ɓaniki. Ɗéɓetú ɓakɔɓɛ á ɓansombo á ka mokonda.

Ɓagalatía 4:9

Kɛ̌kɛnde unge ɓomúbi Mokonga, ande gea te, Kɛ̌kɛnde unge Mokonga anóúbi. Cɔ, eke nde ɓoogea ɓójiiɛ ɓansombo na kema nde nna na ɓukpɛkpɛ kaɓɛ na kantíti, na kaɓa á ɓá goto ɓakɔɓɛ?

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaɛphɛ́sɔ 4:20

Ɓenu gǎkɛ, nna ɓondɔ unge ɗáɓánógoisigi ka nyɔngɔ á Kiísito.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

Ɓaphilípi 3:2

Óambani na ɓato-ájeɗe, ɓambwa ndee ɓunde ɓáotetemisa nyɔngɔ á gua ganja á epe-epe.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 2:22

Ɛɔphi ndɔ bui a tɔ ka kema nde nna ye na kantíti mbusa á bɛɗaneaga í. Ɓakpa tɔndɔ ɓáunge ɓáobisa ɛɔphi ndɔ na goisaga í.

Ɓakɔlɔsái 2:23

Eya, ɛɔphi ndɔ aɔɔnɛkana ɓea kema á kɔɓɔɔngɛ nga, ana nyɔngɔ ésomba nde ɛmɛnɛi, měma édidisa, moangɔ akpɛ á tambisaga nyama. Nanga áɓá ɓó, ɛɔphi kau nna gǎkɛ na kantíti. Nna ɔtɔka n'aimisíí mɔphɛ á ka nyama asu.

1 Timɔtɛ́ɔ 6:20

Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

1 Pɛ́tɛɛ 1:18

Cɔ, ɓooúba etéte á ophendɔ nde Mokonga ɗáphendi ka phɔa anu ka tokisa anu ka tambea á jǎi-jǎi nde ɓatatanu ɗáɓánoɗeketei. Ɗákági ɓó na kema nde aoújukana ɓea, láté na imɔna.

2 Pɛ́tɛɛ 3:17

Cɔ, ɓenu ɓadani ékondi, nɛnɔ́nyɔtɛi ye gǎkɛ nyɔngɔ ndɔɔ. Kaɓondɔ, ɛ́ngɛphani, ɓókǒdemisɛmbɛ ye ka nyɔngɔ á odemayɔ ndea ɓagoisigi á mbɛa. K'aphe ndɔ unge ɓǒdoɗeande ka měma.

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.