Ɓakɔlɔsái 2:5 - Ɔngana á Kɛ̌kɛ

⁵ Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

Ɓakɔlɔsái 2:5 Iomraidhean Croise

Ekuma á ɓateki 2:42

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 14:40

Ambe kema bui ágeanɛ ndiu ka moangɔ ánjá na ɓíndɔ akeni.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 16:13

Phɛani tɔ̌, ósimbiani ka ɓeekea nɛnu. Ɓáni na nténdé na ɓukpɛkpɛ!

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

1 Ɓatɛsalɔníka 2:17

Ɓaya, ɓesu ɓateki gǎkɛ, nanga ɓî ɗéɓekatanigi ka mbenɔ ábɔa ka keongi, ɓékékatanigi ka měma. Kaɓondɔ, ɗéɓetú na mɔphɛ ángbó á ɔna anu goto.

1 Ɓatɛsalɔníka 3:8

Ɓe ye tɔ na ɓukpɛkpɛ ɓî ɓɛɔ́ki gea, ɓo kimoci na Mɔkɔta ka měma.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

1 Pɛ́tɛɛ 5:9

Ɓókogamanɛ na yɛ, kakamanani ka ɓeekea. Úbani gea ɓadanu ɓaɓêki ka mokonda bui ɓá tɔ ka tambaga ndɔɔ.