Ɓakɔlɔsái 2:4 - Ɔngana á Kɛ̌kɛ

⁴ Nɛyɔngi nndɔ ka gea, nkpa kanódemɛgɛmbɛ nanga ánɔɓɔngaga.

Ɓakɔlɔsái 2:4 Iomraidhean Croise

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 24:4

Yéso áǒsikisia te: «Ɛ́ngɛphani! Nkpa kanódemɛmbɛ.

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

1 Ɓakɔlítɔ 2:4

Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

2 Timɔtɛ́ɔ 2:16

Téa yɔngaga á jǎi-jǎi nnde atingani na moangɔ á ɓeekea nga, ɓakpa nde ɓáoɓea nndɔ, ɓáǒɗangamisa na Mokonga phɛɛ.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

1 Yoáni 2:26

Cɔ, nenóɗundui ɓoabi nde ka nyɔngɔ á ɓunde ɓáokáɓa dema anu.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 20:3

Malaéka ndea Mokonga ndɔ, áommaka suɓi á mininga, áophembeketea ú na ɓɛta á mutúti gǔ akɛ ka gea te, njɔka ndɔ kaetombɛgɛmbɛ ye ɓato á ka mokonda na ka ɓî ɓasaga ɛlɛphu moci (1.000) akpeengeanaeka. Mbusa índɔ, ɓánkoɗande ka mbenɔ ábɔa.

Mphaniɔ 20:8

Yɛ, agande k'aphe á tombaga ɓakpa ɓunde ɓá nkɛkɛɔ gena á mokonda ande gea te: Gogi na Magogi. Aedondanisagande ɓakpa ndɔ ka nyɔngɔ émani na ɓáɓikande ɓea mbúme á k'óɓenge.