Ɓakɔlɔsái 2:3 - Ɔngana á Kɛ̌kɛ

³ Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 2:3 Iomraidhean Croise

Matáyɔ 10:26

«Ɓókǒɓángɛmbɛ ɓakpa ndɔɔ. Kema bui nde ɓáobuniaga, angoɗokanande na nnde ɓáogea ka ɓɔsɔmɛa, aubukanande.

Lóka 11:49

Nyɔngɔ ndɔ ungɔ Mokonga aengekisi ka kɔɓɔɔngɛ nɛkɛ: ‹Nětekisiande ɓaɔtu-nyɔngɔ nɛmɔ na ɓateki. Ɓémande ka ɓɔ na tambisaga á ɓunɛngbo.›

Ɓalɔ́ma 11:33

Ekende Mokonga ana ɛtɔi, úbapha na kɔɓɔɔngɛ ásii ɓende! Ani mmbé aɔtɔka n'aúbi kanisia akɛ ka tena á nyɔngɔ na úba á moangɔ nɛkɛ?

1 Ɓakɔlítɔ 1:24

Ka ɓunde gǎkɛ Mokonga ɗáɛ́ɓɔphani, kaɓɛ Ɓayúda, kaɓɛ ɓunde ɓáná Ɓayúda, Kiísito ande ɓukpɛkpɛ ndea Mokonga na kɔɓɔɔngɛ ndea Mokonga.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

Ɓaɛphɛ́sɔ 1:8

nnde ɗásóphi ásii phɛɛ ka opha asu kɔɓɔɔngɛ bui na úbapha bui.

Ɓakɔlɔsái 1:19

Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓakɔlɔsái 3:3

Nga, ɓo ye ku, na enda anu aɛsɔmɛani ka Kiísito suɓi á Mokonga.

2 Pɛ́tɛɛ 1:5

Kaɓondɔ, geani ɓukpɛkpɛ ka yamea á tambea ánjá gǔ á ɓeekea nɛnu na gǔ á tambea ánjá, ɓóyameɛ úba á Mokonga

Mphaniɔ 2:17

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui! Mmbé akíndande, nemophande mana nde ɗɛ́sɔmi. Nemophande phɔtɔ ɛtɛ ábu, na neɗundu ina á kɛ̌kɛ gǔ í, nnde nkpa ɓaangbo nnaoúba na nna tɔndɔ mmbé ɓámophi ú.