Ɓakɔlɔsái 2:20 - Ɔngana á Kɛ̌kɛ

²⁰ Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 2:20 Iomraidhean Croise

Yoáni 15:19

Ɓotúoɓá ɓato á ka mokonda, ámbé ɓánokondigi. Ɓato á ka mokonda ɓánokangei gǎkɛ ka nyɔngɔ nde, nɛnɔsɔmbu, néonotokisa sɔsɔɓɛ aɓɔ.

2 Ɓakɔlítɔ 10:3

Ɓende ɓakpa ɗoni, ɓéké gǎkɛ omana ama kokpa.

Ɓagalatía 4:3

Ɓesu phɔtɔ, ɗéɓetú mosá ɓea ɓaniki. Ɗéɓetú ɓakɔɓɛ á ɓansombo á ka mokonda.

Ɓagalatía 6:14

K'eme gǎkɛ, kéebebeku ka kema nɛngbo na nna tɔndɔ ka nyɔngɔ á moyangɔ ndea Mɔkɔta nɛsu Yéso Kiísito. Ka nyɔngɔ índɔ unge mokonda aku ka nyɔngɔ ani n'eme néokuwa ka nyɔngɔ í.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓakɔlɔsái 2:14

Ɗéɓetú ɓea ɓunde ɗáɓátú na nyɔngɔ á phenda í, ka nyɔngɔ nde ɗéɓékétú oamba ɛɔphi. Mokonga â gǎkɛ omowa ɛɔphi ndɔ ɗáosógusa, áɔkɔkɛaga ú ka moyangɔ.

Ɓakɔlɔsái 2:16

Kaɓondɔ, nkpa katenɛmbɛ nyɔngɔ nɛnu ka nyɔngɔ á kema nde ɓooea, nnde ɓoonoa, ka nyɔngɔ á jaí, ɓaeka á songe na esa á saɓáto.

Ɓakɔlɔsái 2:21

«Kɔbɛɗɛmbɛ kínde, kokengeɛmbɛ kínde, kodungɛmbɛ kínde.»

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

Ɓakɔlɔsái 3:3

Nga, ɓo ye ku, na enda anu aɛsɔmɛani ka Kiísito suɓi á Mokonga.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.