Ɓakɔlɔsái 2:2 - Ɔngana á Kɛ̌kɛ

² Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 2:2 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Lóka 1:1

Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Yoáni 10:30

Abɛ n'eme, ɓe tɔ nkpa mo.»

Yoáni 10:38

Aoɓá na nɛtɔtɔkisi ndiu ekuma ndea Abɛ, nanga ɓókóomoɓeekea, cɔ, ɓeekeani ye phɔ́ ekuma nɛmɔ. Úbani na ɓɔ́ɔ́kɛ gea, ne suɓi á Abɛ na Abɛ a suɓi ani.»

Yoáni 16:15

Kema bubui nde Abɛ aně, ande nɛmɔ. Ka nyɔngɔ índɔ unge ɗénongoɗi, kema nde anɔtɔmiande, atókande ně mɔtɛ-amɔ.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Yoáni 5:17

Yéso â gǎkɛ ǒsikisia te: «Abɛ aɔbɛɗanaga esa bui, n'eme ne phɔtɔ ɔbɛɗanaga.»

Yoáni 5:23

ka gea, ɓakpa ɓɔbu ɓánɗokomisɛ Miki ɓíndɔ ɓáonɗokomisa Abakɛ. Cɔ, mmbé nnaonɗokomisa Miki, nna phɔtɔ onɗokomisa Abakɛ mmbé anteki.

Yoáni 6:69

Ɓeɓeeki ú na úba í gea, onde Nto á kanga ɓojeɗe ndea Mokonga.»

Ekuma á ɓateki 4:32

Cɔ, usɛsɛ á ɓaɓêki ɓáɔɔ́kana na měma moci, n'ɛsɔ moci. Nna na ka ɓɔ moci nde ɗáɔyɔnga gea te, nkumba nɛmɔ ú. Nkumba bui ɗá tɔ ka ɓɔ ɓɔbu.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

1 Ɓakɔlítɔ 14:31

Ɔ́tɔani nyɔngɔ nkpa moci-moci gea te, ɓakpa ɓɔbu ɓágoɛgɛ na ɓágbagɛgɛ ka měma.

1 Ɓakɔlítɔ 2:12

Ɓesu, ɓékétɔi měma á ka mokonda ndee, ɓɛtɔi ndiu Měma nde atóki mɔtɛ á Mokonga ka gea, ɓéúbɛ kema bui nde ɗásóphi ka ɓonjánja-ékondi ndea Mokonga.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 3:16

Nɛɔmɛma Mokonga gea te, ánogbagisɛgɛ ka měma, ɓî ana ɓoombia ángbó. Mpɔ, ɓóoɓá ɓakiísito ɓákpɛkpɛ.

Ɓaɛphɛ́sɔ 3:3

Mokonga aámbé ɗámɔɔphani ka úbisa ani moangɔ nɛkɛ á ɓɔsɔmɛa. Ɗéneɗundu ábɔa ka nyɔngɔ í gǔ.

Ɓaɛphɛ́sɔ 6:22

Nenteki mɔtɛ-anu ka tɔ̌mia anu mbino asu na gbagisaga anu ka měma.

Ɓaphilípi 2:1

Cɔ, ɓî ɓo kimoci na Kiísito, nndɔ anóphi ɓukpɛkpɛ ka měma. Ekondi nɛkɛ ka ɓenu, anóphiphisi měma. Ɓo kimoci na Měma á kanga ɓojeɗe. Ɓona ekondi na ngomi sɔsɔɓɛ anu.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

Ɓakɔlɔsái 1:26

Nyɔngɔ ndɔ ande moangɔ nde ɗáɛsɔmɛi ɓakpa ɓɔbu kala phɛɛ. Kɛ̌kɛnde gǎkɛ, aphangi ye tɔ base ka ɓakpa nɛkɛ.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 3:14

Gǔ índɔ bui, ɓáni n'ekondani nga, ekondani aunge aɔɔnganisa ánjá.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

Ɓakɔlɔsái 4:8

Nenteki mɔtɛ-anu ka gea te, ɓóengekisɛ ɓoiki asu ka gea měma anu áphɔngɛ.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 3:19

K'índɔ unge ɓeúbande gea, ɓende ɓato á ɗoni. Mpɔ, měma asu áɔphɔnga mosá á Mokonga.

1 Yoáni 5:7

Ɓena ɓaɗigimisi ɓasaɔ: