Ɓakɔlɔsái 2:16 - Ɔngana á Kɛ̌kɛ

¹⁶ Kaɓondɔ, nkpa katenɛmbɛ nyɔngɔ nɛnu ka nyɔngɔ á kema nde ɓooea, nnde ɓoonoa, ka nyɔngɔ á jaí, ɓaeka á songe na esa á saɓáto.

Ɓakɔlɔsái 2:16 Iomraidhean Croise

Matáyɔ 15:11

Nna kema nde aongia k'aphenɔkɔ á nkpa, aunge aɔnjɔɔkisa. Nnde aotóka k'aphenɔkɔ, a ndiu unge aɔnjɔɔkisa nkpa.»

Málikɔ 7:19

Nga, eea nna ongia suɓi á měma á nkpa. A ndiu ongia suɓi á sɔphɔ. Mbusa, eea ndɔ áoga ka ɓɔɔga.» Ka yɔnga akɛ ɓó unge Yéso ɗáengekisi gea, ɓakpa ɓáeɛ eea bui.

Ekuma á ɓateki 15:20

Ɓéɗunduiɛ ndiu ɓaoɓa ka gea, ɓáyé ɓɔjɔɔkiɔ nde a ka ya nyama nde ɗáɓáphúi ka phɛ́a. Ɓákágɛ mɔnɔ k'aphe á otungɔ. Ɓákáeɛ mɔnɔ nyama n'aku ǐti, ɓákáeɛ mɔnɔ phɔtɔ magia.

Ɓalɔ́ma 14:10

Oɓɛ gǎkɛ ka nyɔngɔ sina nde ootena nyɔngɔ ndea muna-amakɔ? Oɓɛ ɔɔmɓɛnjiaga muna-amakɔ ka ɓo? Nga, ɓesu ɓɔbu ɓemamande mosá á ntua á tena á nyɔngɔ ndea Mokonga.

Ɓagalatía 4:10

Nga, ɓo phɔ́tɔ koamba ɓ'esa, ɓasonge, matú ɗanga-ɗanga, na ɓasaga.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Ɓaɛbulanía 9:10

Nndɔ bui atɔndɔ ka nyɔngɔ á kema á koea, kema á onoa na moangɔ ɗanga-ɗanga á sokosea á ɓojeɗe á nkpa. Kantíti índɔ ɗásungíígi ka mbenɔ nde Mokonga ɗáɓɔngisigi moangɔ á kɛ̌kɛ.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.