Ɓakɔlɔsái 2:15 - Ɔngana á Kɛ̌kɛ

¹⁵ Gǔ á moyangɔ ndɔ, Mokonga aoɓá gǔ á ɓukpɛkpɛ na kɔkɔta bui á měma á ɓamamei nji. Áǒkiɗianisa mosá á ɓakpa ɓɔbu, áɔ̌kɔɓisa ka mɔɔmba na ɓáoɓenganaga ɓea ɓato á mekakɔ ka ɔnisa gea Anakɛ akíndi.

Ɓakɔlɔsái 2:15 Iomraidhean Croise

Matáyɔ 12:29

Nna na nkpa nde aɔtɔka ngia k'éndu ndea nto á ɓukpɛkpɛ na uta akɛ nkumba nɛkɛ, aoɓá na kámɓóegembɛ phɔ́ nto á ɓukpɛkpɛ ndɔɔ! A ye omɓóaga, mpɔ áomuta nkumba nɛkɛ.

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Lóka 11:22

A gǎkɛ oɓá nto á ɓukpɛkpɛ kɔnyɛ́nya yɛ n'ambiki í, áonkínda, áomuta nkumba á emani ndɔ yɛ abisíí měma, â phɔtɔ ogaba nkumba bui nde amutí.

Yoáni 16:11

Aěengekisiande ɓato á ka mokonda tena á nyɔngɔ, ka nyɔngɔ nde, ɓá ye teni nyɔngɔ ndea moamɛ á ka mokonda ndee.

Yoáni 19:30

Ɓî Yéso amúmi ye ú, áogea: «Cɔ, así.» Áɔtúmanisaga mɔ̌ akɛ, áɔɗɔɛa.

1 Ɓakɔlítɔ 15:24

Mbusa índɔ, áoɓá sungiaga, Kiísito atúkatúkande koɓoamɛ, kɔkɔta na ɓukpɛkpɛ bui. Mpɔ, áonsikisia Abɛ Mokonga koɓoamɛ.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 3:10

Cɔ, kɛ̌kɛnde k'aphe ndea kanisa unge ɓakɔta ɓɔbu na ɓukpɛkpɛ á na koba, ɓáúbɛ nyɔngɔ ɗanga-ɗanga á kɔɓɔɔngɛ ndea Mokonga.

Ɓaɛphɛ́sɔ 4:8

Ɓuku á Mokonga ayɔngi ɓe: «Ɓî ɗátái k'égo phɛɛ, ɗáɛbɛɗi ɓato á mekakɔ, ɗáeɓophi ɓakpa egabɔ.»

Ɓaɛphɛ́sɔ 6:12

Nga, ɓesu ɓékéomana na ɓakpa, ɓe ndiu omana na měma nde ɓáɔɔphana ɓakɔta á n'ego na oɗo. Ɓɔ, ɓá gǎkɛ tɔ ɓakɔta á mokonda á kaiphiɔ. Ɓeomana na ɓansombo ɓunde ɓáotamba ɔma bui ɓea maphopho.

Ɓakɔlɔsái 1:16

Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.