Ɓakɔlɔsái 2:14 - Ɔngana á Kɛ̌kɛ

¹⁴ Ɗéɓetú ɓea ɓunde ɗáɓátú na nyɔngɔ á phenda í, ka nyɔngɔ nde ɗéɓékétú oamba ɛɔphi. Mokonga â gǎkɛ omowa ɛɔphi ndɔ ɗáosógusa, áɔkɔkɛaga ú ka moyangɔ.

Ɓakɔlɔsái 2:14 Iomraidhean Croise

Lóka 1:6

Ɓɔbu ɓaɓɛ ɗáɓátú ɓato á koɗoni k'íso á Mokonga. Ɗáɓáotambea ɓíndɔ ɛɔphi bui ndea Mɔkɔta ayɔngi, na tɔtɔkisa á kema bui nde Mokonga ɗáososea kángá kisɛki.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

2 Ɓatɛsalɔníka 2:7

Nga, ɓukpɛkpɛ nɛkɛ á ɓɔsɔmɛa a ye ɔbɛɗanaga. A gǎkɛ oɓá kema nde áonimisia kɛ̌kɛnde na ka ye ɓei, mpɔ áɔbɛɗanaga base.

Ɓaɛbulanía 7:18

Cɔ, ɓɛɔni gea te, Mokonga ɗáɗeketi ɛɔphi á kala nga ú ɗákátú na ɓukpɛkpɛ, phɔtɔ na kantíti

Ɓaɛbulanía 8:13

Cɔ, ɓî Mokonga ayɔngi ka nyɔngɔ á ɔngana á kɛ̌kɛ, ande gea te nnde á mosá a ye tɔ á kala. Cɔ, kema a ye oɓá á kala, áɔgbɛga. Ande gea te, abíbí á kukuwa.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.