Ɓakɔlɔsái 2:13 - Ɔngana á Kɛ̌kɛ

¹³ Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

Ɓakɔlɔsái 2:13 Iomraidhean Croise

Lóka 15:24

Nga, miki nɛmɔ atóku mɔnɔ, ajujúki gǎkɛ ka kukuwa. Ɗáɓúngigi mɔnɔ, nɛmɔni gǎkɛ.› Mpɔ, ɓáokpanga gúa á jaí.

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 9:60

Yéso áongoɗea: «Óɗeketa ɓakpa nde ɓáku ɓéúmbɛ ɓakpa nɛɓɔ íɓundɔ ɓáku. Oɓɛ gǎkɛ, gǎ ɔ́tɔ̌miɛgɛ nyɔngɔ á koɓoamɛ ndea Mokonga.»

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Ɓalɔ́ma 4:17

Cɔ, a tɔ ɓíndɔ ɓáɗundu suɓi á Ɓuku á Mokonga gea: «Ɗékobisi aba ɛɓɔkɔti ásii.» Yɛ, ande abasu mosá á Mokonga ímbe amɓeeki. Mokonga ndɔ, ande mmbé aǒendisa ɓakpa nde ɓaku na sosea á kema nde káɓimbɛ mɔnɔ ɓei gea te áɓɛ ye tɔ ɓei.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

1 Ɓakɔlítɔ 15:36

Mbóbó nde ca! Ɓî ookona mbó, nnaɔtɔka n'atɛi na kákumbɛ phɔ́.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 5:19

Yéso aámbé ɗáɛɔnganisi ɓakpa na Mokonga kángá ɛnjia ye ɓojeɗe nɛɓɔ. Ɗásóphi ekuma á tɔ̌miaga nyɔngɔ á ɔnganisa á ɓakpa na yɛ.

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:11

Cɔ, kanisiani phɔ́ ɓî ɗóɓotú kala ɓenu íɓunde ɓókó Ɓayúda. Ɓayúda ɓáɔnɔɔphana ɓenu: «ɓawó», ɓɔ gǎkɛ ɓáɔ̌ɔphana sasaɓɔ «ɓagu-ganja» ka nyɔngɔ á epe nde ɓábisi ka nyama aɓɔ.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yakɔ́ɓɔ 2:17

A phɔtɔ ɓó, ɓeekea á kanga ɓá na tambea ánjá aku.

Yakɔ́ɓɔ 2:20

Mbóbó nde ca! Okondi úba á gea te, ɓeekea á kanga tɔtɔkisa ékuma ánjá, nna na kantíti?

Yakɔ́ɓɔ 2:26

Nga, ɓî nyama kángá ɛ́phɛu aku ye tɔ, ɓeekea kángá ékuma aku phɔtɔ.

1 Yoáni 2:12

Ɓaniki amɔ, nenóɗundui ka nyɔngɔ nde, Mokonga aími ɓojeɗe nɛnu k'ína á Yéso Kiísito.