Ɓakɔlɔsái 2:12 - Ɔngana á Kɛ̌kɛ

¹² Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

Ɓakɔlɔsái 2:12 Iomraidhean Croise

Lóka 17:5

Ɓateki ɓáongoɗea Mɔkɔta gea: «Yamea ɓeekea nɛsu.»

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ɓalɔ́ma 4:24

A ndiu phɔtɔ ka phɔasu íɓunde Mokonga asotangande ɓato á koɗoni, ɓesu íɓunde ɓemɓeeki Mokonga gea, ɗánjujúkisi Mɔkɔta nɛsu Yéso ka kukuwa sɔsɔɓɛ á ɓasí.

Ɓalɔ́ma 7:4

Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 15:20

Ande gǎkɛ ɗoni gea, Kiísito ajujúki ka kukuwa. Yɛ, ande ánge á ɓajujuki ka kukuwa.

Ɓagalatía 3:27

Kaɓondɔ, ɓenu ɓɔbu ɓunde ɗóɓojúkani na Kiísito k'óɓatisɔ, tambea anu akengeani ye tɔ na yɛ.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaɛphɛ́sɔ 3:7

Ne ye tɔ mbɛɗanigi á tɔ̌miaga Mbino-Ánjá ndea Mokonga, k'égabɔ á ɓonjánja-ékondi nɛkɛ na ɓukpɛkpɛ nɛkɛ.

Ɓaɛphɛ́sɔ 4:5

Mɔkɔta a tɔ moci, ɓeekea moci, oɓatisɔ moci.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 6:2

ɓɔphɛi ka nyɔngɔ á oɓatisɔ, ka nyɔngɔ á bisia á njaga, ka nyɔngɔ á jujúka ka kukuwa, ɓakpa nde ɗáɓáku na nyɔngɔ á tena nyɔngɔ á ka sungiaga.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.