Ɓakɔlɔsái 2:11 - Ɔngana á Kɛ̌kɛ

¹¹ Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.

Ɓakɔlɔsái 2:11 Iomraidhean Croise

Málikɔ 14:58

Ɓáogea: «Nkpa nde, ayɔngima ɓe: Nɛngbɔande endu á Mokonga, nnde ɓakpa ɗáɓáphɛ̌ki. Néomesa k'ésa isaɔ. Mɔphɛkɔ kau káɓɛku á njaga á ɓakpa.»

Lóka 2:21

Esa á ko ngianjaga isaɔ mbusa á ɓɔkɔtɛana akɛ, ɓáongusa ganja. Ɓáonsua ina akɛ Yéso, ɓíndɔ malaéka ɗáyɔngi, mosá á kumba á éme akɛ.

Ekuma á ɓateki 17:24

Yɛ ande Mokonga, mmbé aconji mokonda na kema bubui nde a kau. Ande Mɔkɔta á na koba na oɗo. Nnaoika suɓi éndu nde nkpa aphɛ̌ki na njaga.

Ekuma á ɓateki 7:48

Ande gea te, Mokonga mmbé ana kɔkɔta bui, nnaoika ɗoni k'éndu ɓakpa na ɓáphɛ̌ki, ɓíndɔ mɔtu-nyɔngɔ ndea Mokonga ɗáyɔngi:

Ɓalɔ́ma 2:29

Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 7:24

Ngomi ani eme nto á ɓuyɛnɛ ee! Ani mmbé amoamisande na nyama á kukuwa ndee?

2 Ɓakɔlítɔ 5:1

Cɔ, ɓeoúba gea, nyama asu a ɓea ɛma nde ɓeoenda suɓi í ka mokonda nnde aɔngbɔɔkana, Mokonga asóbisíí endu na koba, nnde aoiphia mɛyɔ. Nna ɓakpa ɓáunge ɓáphɛkande.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Ɓaɛbulanía 9:11

Cɔ, Kiísito aámbé akiɗi ka gea áɓɛ ngbɛga á ɓatoɓeigi-phɛ́a á kema ánjá nde aobika. Angí suɓi á ɛma ángbó nde ande á ɓonjánja phɛɛ kɔnyɛ́nya nndɔ á mosá. Ɛma ndɔ, nna ɓakpa ɓáunge ɓáɓɔngisigi na njaga aɓɔ. Ande gea te, nna kema á ka mokonda nnde ɓáconji.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.