Ɓakɔlɔsái 1:9 - Ɔngana á Kɛ̌kɛ

⁹ Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 1:9 Iomraidhean Croise

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 12:5

Kaɓondɔ, ɓáonamba Pɛ́tɛɛ ka mekakɔ. Ɓato á ka kanisa ɗáɓá gǎkɛ ɔmɛma Mokonga ka nyɔngɔ akɛ phɛɛ.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

1 Ɓakɔlítɔ 1:5

Nga, Kiísito anóphi ɛtɔi ásii á yɔnga na úbapha phɛɛ.

Ɓaɛphɛ́sɔ 1:8

nnde ɗásóphi ásii phɛɛ ka opha asu kɔɓɔɔngɛ bui na úbapha bui.

Ɓaɛphɛ́sɔ 5:10

Káɓáni kema nde áɔmɓɔngɛa Mɔkɔta.

Ɓaɛphɛ́sɔ 5:17

Kaɓondɔ unge, ɓókóbóbókɛmbɛ, úbani ndiu ánjá mɔphɛ á Mɔkɔta.

Ɓaɛphɛ́sɔ 6:6

Ɓókóɓɛmbɛ tɔ ɔbɛɗanaga ámbé ɓánómamei ka ékondisaga na ɓɔ. Tɔtɔkisani ndiu mɔphɛ á Mokonga na měma mo, ɓea ɓakɔɓɛ á Kiísito.

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 5:17

mɛmani Mokonga kángá ɗeketa,

2 Ɓatɛsalɔníka 1:11

Kaɓondɔ unge, ɓɛɔmmɛma Mokonga esa bui gea, ánóphɛ ɓukpɛkpɛ á ɓá ɓakpa nde ɓákeni ka mɔphani nɛkɛ. Ánoengɛ phɔtɔ na ɓukpɛkpɛ nɛkɛ ka gea á ɓonjánja nde ɓokondi. Átɔtɔkisɛ phɔtɔ ekuma nɛnu nnde ɓogi ka nyɔngɔ á ɓeekea akɛ.

Philɛmɔ́nɔ 1:4

Cɔ, neonsega Mokonga nɛmɔ esa bui k'ɛ́mɛmi, ɓî neokokanisia oɓɛ Philɛmɔ́nɔ.

Philɛmɔ́nɔ 1:6

Ɛmɛmi nɛmɔ ka Mokonga a phɔtɔ gea, ɓeekea nde amojúkanisi n'oɓɛ, áɓɛ na ɓukpɛkpɛ phɛɛ suɓi akɔ, kaɓondɔ unge oúbande ɓonjánja bui nde ɓeně ka jukana asu na Kiísito.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

1 Yoáni 2:17

Mokonda aɔnyɛ́nya na mɔphɛ á kema bui nde a suɓi í. Nkpa nde a gǎkɛ ɔtɔtɔkisa mɔphɛ ndea Mokonga, aendande mɛyɔ.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.