Ɓakɔlɔsái 1:6 - Ɔngana á Kɛ̌kɛ

⁶ Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

Ɓakɔlɔsái 1:6 Iomraidhean Croise

Matáyɔ 24:14

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Málikɔ 4:8

Nɛngbo áogua ka oɗo ánjá. Áɔtɛa, áophonda, áɔgɔmbisa. Ejoko moci áɔgɔmba mbuka nkama isaɔ (30), nɛngbo nkama ngianjaga (60), nɛngbo mia moci (100).

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 17:19

Ka nyɔngɔ aɓɔ unge, něyamei buani k'óɓɛ, ka gea, ɓɔ phɔtɔ ɓáɓɛ ɓakpa nɛkɔ ɗoni.

Yoáni 4:23

Cɔ, mbenɔ aobika n'a ye tɔ bíbí, ɓato á ɗokomisa á ɗoni ɓánɗokomisande Abɛ ka měma na ka koɗoni nga, ɓundɔ ɓáunge Abɛ aǒkaɓa ka ɓá ɓato á ɗokomisa akɛ.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 12:24

Nanga áɓá ɓó, Nyɔngɔ á Mokonga ɗáɔɛmba ɔma ásii phɛɛ.

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 15:28

Mbenɔ nde nɛgɔɓande ekuma nde, na jisa á kema nde ɓátókɔngu ka phɔanu, nɛnyɛ́nyɛande mɔtɛ-anu ka gǎ ani na Spanía.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

2 Ɓakɔlítɔ 10:14

Ɓî ɗéɓejú ye mɔtɛ-anu, ɗéɓékétingi ekuma nde Mokonga ɗásóphi. Nga, ɓesu ɓáunge ɗéɓejú mosá mɔtɛ-anu ka tɔ̌miaga Mbino-Ánjá ndea Kiísito.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓaɛphɛ́sɔ 3:2

Ande ɗoni gea, ɓo ye ɔ́ki nyɔngɔ á ekuma nde Mokonga ɗámopi ka ɓonjánja-ékondi nɛkɛ gea te, nénóbɛɗaneɛgɛ.

Ɓaɛphɛ́sɔ 4:21

Ande ɗoni gea, nyɔngɔ akɛ unge ɗɔ́ɓɔɔ́ki na ɓáonógoisaga ɓenu ɓakiísito nyɔngɔ á ɗoni nde a ka Yéso.

Ɓaɛphɛ́sɔ 4:23

Akeni ndiu gea, měma anu na kanisia anu bui áɓɛ á kɛ̌kɛ.

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Pɛ́tɛɛ 5:12

Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.