Ɓakɔlɔsái 1:5 - Ɔngana á Kɛ̌kɛ

⁵ Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 1:5 Iomraidhean Croise

Lóka 12:33

Sombisani nkumba nɛnu, ɓóɓophɛ ɓato á ɓuyɛnɛ imɔna í. Ɓɔngisiani ndiu kanu njombi á na koba, nnde nnaoújukana. Phombeagani kanu ɛtɔi na koba k'ɔ́ma nde ɓákáújɛku, ɓakukuɓa ɓákádondɛeka na ɓansɛngɛ ɓákáújɛeka

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ekuma á ɓateki 13:26

Ɓaya, ɓasuko á Abalaámu na ɓaɓángi-Mokonga. Ɓesu ɓáunge Mokonga ɗásotekisíí nyɔngɔ á ɓoamia á ka měma ndee.

Ekuma á ɓateki 23:6

Ɓî Pɔ́lɔ ɗáúbi gea ka ɓato á ka ntua ndɔ ɗáɓátú Ɓaphaisáyɔ, ɓuangbo gǎkɛ Ɓasadukáyɔ, mpɔ áɔyɔnga k'ɛ́sɔ akpɛ ka ntua ndɔ gea: «Ɓaya, nende Mophaisáyɔ, muna Ɓaphaisáyɔ. Ɓáotena nyɔgɔ nɛmɔ akpɛ ka nyɔngɔ nde, ɓena nseɓeɔ ka nyɔngɔ á jujúka á ɓasí ka kukuwa.»

Ekuma á ɓateki 24:15

Nena nseɓeɔ ka Mokonga, ɓíndɔ ɓakpa ndɔ ɓá ně gea, ɓakpa ɓ'ánjá na ɓakpa ɓ'ájeɗe ɓɔbu ɓájujukande ka kukuwa.

Ɓalɔ́ma 10:8

Cɔ, Ɓuku á Mokonga ayɔngi ɓoni? Ayɔngi gea: «Nyɔngɔ á Mokonga a bíbí akɔ, a k'aphenɔkɔ akɔ na suɓi á měma akɔ.» Nyɔngɔ á Mokonga ndɔ, ande mbino nde ɓɛɔtɔmiaga ú ka nyɔngɔ á ɓeekea.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 15:19

Kaɓɛ na ɓenseɓei tɔ Kiísito ka nyɔngɔ á enda á kɛ̌kɛnde, ande gea, ɓende ɓato á ngomi phɛɛ kɔ̌nyɛ́nya ɓakpa ɓɔbu.

2 Ɓakɔlítɔ 5:19

Yéso aámbé ɗáɛɔnganisi ɓakpa na Mokonga kángá ɛnjia ye ɓojeɗe nɛɓɔ. Ɗásóphi ekuma á tɔ̌miaga nyɔngɔ á ɔnganisa á ɓakpa na yɛ.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓagalatía 2:14

Ɓî nɛɔni ye gea tambea aɓɔ atingani na ɗoni á Mbino-Ánjá, néonkeea gǎkɛ Pɛ́tɛɛ mosá á ɓakpa ɓɔbu: «Oɓɛ, onde Moyúda! O gǎkɛ otambea ɓea nkpa na nna Moyúda. Cɔ, ka nyɔngɔ éke nde ǒsosea ɓakpa nde ɓáná Ɓayúda gea, ɓátambeɛ ɓea Ɓayúda?»

Ɓagalatía 2:5

Ɗéɓékéɓeeki gǎkɛ tanda ka nyɔngɔ nɛɓɔ moci, ka nyɔngɔ á ambea anu koɗoni á Mbino.

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 4:21

Ande ɗoni gea, nyɔngɔ akɛ unge ɗɔ́ɓɔɔ́ki na ɓáonógoisaga ɓenu ɓakiísito nyɔngɔ á ɗoni nde a ka Yéso.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

1 Pɛ́tɛɛ 3:15

Nɗokomisani ndiu Kiísito ka měma anu ɓea Mɔkɔta nɛnu. Aoɓá na ɓáonóúsia cina á nseɓeɔ nɛnu ka Kiísito, ɓáni tɔ mbenɔ bui na nyɔngɔ á sikisia aɓɔ.

2 Pɛ́tɛɛ 1:12

Ka nyɔngɔ índɔ unge nekondi kanisia anu nyɔngɔ ndɔ esa bui, nanga ɓo ye oúba, na kakamana ka nyɔngɔ á ɗoni nde ɗáɓánɔtɔ̌mi.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.