Ɓakɔlɔsái 1:29 - Ɔngana á Kɛ̌kɛ

²⁹ Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

Ɓakɔlɔsái 1:29 Iomraidhean Croise

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Ɓalɔ́ma 15:20

Mɔphɛ ani ɗátú tɔ ka tɔ̌miaga Mbino-Ánjá ɔma nde ɓákáɔ́kimbɛmɔnɔ nyɔngɔ á Kiísito. Ka gea te, kɛphɛ̌kɛmbɛ ɔma nde nkpa ɓaangbo ɗákpangi phɛ̌ka.

Ɓalɔ́ma 15:30

Ɓaya, nenóɗengemisigi k'ína á Mɔkɔta nɛsu Yéso Kiísito na k'ékondi nde Měma á Mokonga aobikisa, ɓéjúkanɛni ka mɛma á Mokonga na moíngi ka phɔani.

1 Ɓakɔlítɔ 12:11

Cina á ɓukpɛkpɛ ndɔ bubui atóki ka Měma ndɔ a tɔ mo. Yɛ aámbé aongabea nkpa na nkpa egabɔ ndɔ ɓíndɔ akondi.

1 Ɓakɔlítɔ 12:6

Mokonga a tɔ mo. Yɛ gǎkɛ tɔ aámbé aeɓophi ɓakpa ɓɔbu ɓukpɛkpɛ á tɔtɔkisa á ekuma ɗanga-ɗanga bui.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 13:3

Ɓî ɓookonda engekisa gea Kiísito aámbé aɔmɔyɔngisa, ɓoengekisande ɗoni. Ka ɓenu Kiísito káútú, a ndiu ophangia ɓukpɛkpɛ nɛkɛ sɔsɔɓɛ anu.

2 Ɓakɔlítɔ 5:9

Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

2 Ɓakɔlítɔ 6:5

Ɗáɓásóɓindi na makea asu ka mekakɔ, ɓakpa ɓáosobikisia oyombɔ, ekuma áosóphûmisa, ɓékéɓɛ na tɔ̌ k'íso na ika kángá eaga ka nyɔngɔ á mɛma Mokonga.

Ɓaɛphɛ́sɔ 1:19

Ɓoúbande ɓukpɛkpɛ nde aɔbɛɗanaga ka phɔa asu ɓaɓêki. Ɓukpɛkpɛ ndɔ ande nnde Mokonga ɗáɔnisi na ɓukpɛkpɛ

Ɓaɛphɛ́sɔ 3:20

Cɔ, ka Mokonga, mmbé abisi ɓukpɛkpɛ ka měma asu, Yɛ aɔtɔka tɔtɔkisa nyɔngɔ nde anyɛ́nyi ɛmɛmi nɛsu, na úbapha asu!

Ɓaɛphɛ́sɔ 3:7

Ne ye tɔ mbɛɗanigi á tɔ̌miaga Mbino-Ánjá ndea Mokonga, k'égabɔ á ɓonjánja-ékondi nɛkɛ na ɓukpɛkpɛ nɛkɛ.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 1:30

Cɔ, kɛ̌kɛnde gǎkɛ ɓogamani n'eme k'émani. A tɔ emani ndɔ ɗɔ́ɓɔmɔɔni kau mosá, ɓo phɔ́tɔ ɔɔ́ka ndu í k'éme ɓî ne phɔ́tɔ otútuisa.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

2 Ɓatɛsalɔníka 3:8

Ɗékéí ea ndea nkpa ecici. Ɗéɓe ndiu ɔbɛɗanaga keiphe n'esa, ɓéotambaga, ɓɛ́ɔɛla ka kanga bisa ɓoɗoko asu ka nkpa moci sɔsɔɓɛ anu.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Mphaniɔ 2:3

Eya! Ona měma á phiphia, otambigi ka nyɔngɔ á ina ani, kángá ɛla.