Ɓakɔlɔsái 1:27 - Ɔngana á Kɛ̌kɛ

²⁷ Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:27 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Lóka 17:21

Ɓákáyɔngɛku: ‹Ɔ́na! A wani!›, kaɓɛ ‹A kósii!› Nga, úbani gea te, koɓoamɛ ndea Mokonga a ye tɔ suɓi anu.»

Yoáni 14:17

Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu.

Yoáni 14:20

K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu.

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 6:56

Mmbé aoea kesuku ani na noa á magia ani, eme neiki suɓi akɛ na yɛ aiki suɓi ani.

Ɓalɔ́ma 11:33

Ekende Mokonga ana ɛtɔi, úbapha na kɔɓɔɔngɛ ásii ɓende! Ani mmbé aɔtɔka n'aúbi kanisia akɛ ka tena á nyɔngɔ na úba á moangɔ nɛkɛ?

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 8:10

A gǎkɛ oɓá Kiísito n'aiki suɓi anu, nanga nyama anu á kuwa ye ka nyɔngɔ á ɓojeɗe, Měma á kanga ɓojeɗe nnde á suɓi anu aunge aonoendisa nga, Mokonga a ye onotanga ɓato á koɗoni mosá akɛ.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 4:19

Cɔ, ɓaniki amɔ, ne goto otambaga ka nyɔngɔ anu ɓea nke n'aka ɓoaé. Na ka ɓî aúbikanande base gea, Kiísito a suɓi anu.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 2:22

Ɓî ɓojúkani na Kiísito, ɓonde phɔtɔ nkumba á mɔphɛkɔ ka ɓá na ɓakpa ɓuangbo ɓɔbu, endu nde Měma á kanga ɓojeɗe aikande kau.

Ɓaphilípi 4:19

Mokonga nɛmɔ anóphande kema bui nde ɓonasiki í, ka ɓeana na ɓoombia á ɛtɔi nɛkɛ k'aphe ndea Kiísito Yéso.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

1 Yoáni 4:4

Ɓaniki amɔ, ɓana-Mokonga, ɓǒkíndí ye tɔ ɓaɔtu-nyɔngɔ á mbɛa ndɔ, ka nyɔngɔ nde Měma nde a suɓi anu, anyɛ́nyi nnde á ka mokonda.

Mphaniɔ 3:20

Cɔ, nemame k'íso á mpume, neogbondoaga kǐo. Aoɓá nkpa n'aɔ́ki ɛsɔ ani, na úkuwa á kǐo, nengiande mɔtɛ-akɛ, ɓéeagande na yɛ, yɛ, aeagande n'eme.