Ɓakɔlɔsái 1:26 - Ɔngana á Kɛ̌kɛ

²⁶ Nyɔngɔ ndɔ ande moangɔ nde ɗáɛsɔmɛi ɓakpa ɓɔbu kala phɛɛ. Kɛ̌kɛnde gǎkɛ, aphangi ye tɔ base ka ɓakpa nɛkɛ.

Ɓakɔlɔsái 1:26 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 20:7

Ɓáonsikisia gea: ‹Ka nyɔngɔ nde nkpa kásongisi k'ékuma.› Áǒngoɗea: ‹Cɔ, ɓenu phɔtɔ, gǎni ɓɔ́bɛɗanɛgɛ ka ciko nɛmɔ á mujabíbu.›

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Lóka 8:10

Yéso â gǎkɛ ǒsikisia: «Ɓenu ɓáunge Mokonga anoúbisi nyɔngɔ á ɓɔsɔmɛa á ka koɓoamɛ ndeakɛ. Ɓakpa ɓunɛngbo gǎkɛ, ɓá tɔ ɔɔ́ka ka mɛní, ka gea te: ‹Ɓáɔɔnjia, ɓákáɔnɛ, ɓáɔɔ́ka, ɓákáengekisɛ.›»

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

2 Timɔtɛ́ɔ 1:10

Kɛ̌kɛnde, ɓonjánja-ékondi ndɔ aúbikani base ka kiɗia á Namisi nɛsu Kiísito Yéso. Yɛ aámbé agɔɓi ɓukpɛkpɛ á kukuwa, áosóphangia base enda á mɛyɔ ka Mbino-Ánjá nɛkɛ.