Ɓakɔlɔsái 1:23 - Ɔngana á Kɛ̌kɛ

²³ Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:23 Iomraidhean Croise

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Lóka 6:48

A ɓea nkpa moci mmbé ɗáphɛ̌ki endu, áotongea oɗo, áondisa, áocuma ɓ'étimo, cu! Tuma abiki, mǔku-iɓo áɔɓɛta endu, kaɗengisɛ tanda, ka nyɔngɔ nde, ɗáphɛ̌ki ú ánjá gǔ ɛ́tɛ.

Yoáni 15:6

Mmbé káiki suɓi ani, ande ɓea ntabi nde ɓáteni, ɓáomaka, áɔɔmɔkaka. Mpɔ, ɓáoɓoa ntabi nde aɔmɔkaki, ɓaómaka ka nsa, áosiɗa.

Ekuma á ɓateki 1:17

Cɔ, Yúda ɗátú ka ɓesu, ɗájúkani phɔtɔ na ɓesu k'ékuma.

Ekuma á ɓateki 1:25

Yɛ, áɓɛ nteki nɛkɔ, phɔtɔ mpɛnɛ á Yúda mmbé age k'ɔ́ma nɛkɛ nnde ankeni.»

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 2:5

Cɔ, Ɓayúda ɓunde ɗáɓáomɓánga Mokonga, ɗáɓátóki ka nji ɗanga-ɗanga á ka mokonda, ɓáoɓá ka Yɛusalɛ́ma.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 26:16

Cɔ, ómesia gǎkɛ, ómamɛgɛ dɛ! Neokiɗianei ka gea, óɓɛ mbɛɗanigi nɛmɔ, óɓɛ phɔtɔ nɗigimisi nɛmɔ ka tɔ̌mia á ɓakpa nengbo kema nde otóki ka ɔna í kesande, na kema nde nekophangiande mbusa.

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ɓalɔ́ma 10:18

Nemáogea: Ande gea te, Ɓayúda ɗáɓákáɔ́ki mɔnɔ ka mbino kau? Eya, ɗáɓáɔ́ki! Ɓuku á Mokonga agi: «Ɛsɔ á ɓatɔmigi-mbino ɗáɔ́kɛkani k'ɔ́ma bui ka mokonda, mbino nde ɗáɓáɔtɔmiaga áɔɛmba mokonda bui.»

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 4:11

Kaɓondɔ, neotambaga ka měma ka nyɔngɔ anu. Neoɓánga gea, ekuma nde bui nɛbɛɗanigi ka phɔanu kakuwɛ mɔnɔ jǎi.

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓagalatía 5:7

Tambea anu atókpangi ánjá. Ani goto anoɗakei aphe na imisia anu ɓeá á ɗoni?

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 2:21

Nga, yɛ aámbé asukíí mɔphɛkɔ ndɔ bui kimoci, áoɓá endu ɛ́mɛmi á kanga ɓojeɗe ndea Mɔkɔta.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaɛphɛ́sɔ 4:16

Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

1 Ɓatɛsalɔníka 3:3

Timɔtɛ́ɔ anoambi gea te, ka ɓenu kaɗeketɛmbɛ ɓeekea á Mokonga ka nyɔngɔ á ɓakpa tambisaga akɛ. Ɓo gǎkɛ oúba gea, tambisaga ndɔ a tɔ moangɔ ndea Mokonga ka ɓesu.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Títɔ 3:7

Mokonga agi ɓó ka ɓonjánja-ékondi nɛkɛ, ka gea, ɓéɓɛ ɓato á koɗoni mosá akɛ, ka tɔá enda á mɛyɔ nde ɓeseɓei.

Ɓaɛbulanía 10:38

Nkpa nde ande nto á ɗoni mosá ani, aendande ka nyɔngɔ á ɓeekea. A gǎkɛ oɓá n'ěcoe, měma ani káɓɛku na maseye ka yɛ.»

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

1 Pɛ́tɛɛ 1:5

Na ɓenu sasanu akoɓá na ɓoɓeeki, Mokonga mɛna-ɓukpɛkpɛ áonóamba ka amisa anu. Ɓoamia ndɔ aɔnɛkanande base ka mbenɔ á sungiaga á mokonda.

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.