Ɓakɔlɔsái 1:21 - Ɔngana á Kɛ̌kɛ

²¹ Kala, ɓenu gǎkɛ ɗóɓotú ɗanga na Mokonga, ɓóoɓá ɓaɓiɓia akɛ ka nyɔngɔ á úbapha anu na tambea anu ájeɗe.

Ɓakɔlɔsái 1:21 Iomraidhean Croise

Ɓalɔ́ma 1:30

Ɓáɔyɔngaga ájeɗe ka phɔa ɓadaɓɔ, ɓaɓiɓia á Mokonga, ɓato á mbóma, ɓato á ébeba, ɓato á měma ájeɗe, ɓato á ɓemboko, ɓato á phɔtanaga, ɓato á maibe ka tɔá kema ájeɗe, ɓakpa nde ɓákáɔ̌ɓɔka ɓaɓɔkɔti aɓɔ.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

Ɓaɛphɛ́sɔ 4:18

na úbapha aɓɔ a tɔ suɓi á kaiphiɔ. Ɓáná na ɔma ka enda nde Mokonga aobikisa nga, ɓánde ɓasɔngɔɗa na ɓá na měma akpɛ.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.