Ɓakɔlɔsái 1:20 - Ɔngana á Kɛ̌kɛ

²⁰ Ɗákondi sikisa ɓujɛjɛ sɔsɔɓɛ akɛ na econji bui á ka mokonda k'aphe ndea Anakɛ. Mbenɔ nde Kiísito ɗáɗuki magia akɛ ka moyangɔ, mpɔ Mokonga áosikisa ɓujɛjɛ sɔsɔɓɛ akɛ na econji bui nnde á na koba na nnde á ka mokonda.

Ɓakɔlɔsái 1:20 Iomraidhean Croise

Matáyɔ 1:21

Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Ekuma á ɓateki 10:30

Kɔɔnɛlíɔ áonsikisia te: «Anyɛ́nyi esa isaɔ, ɓea mbenɔ nde, ka yɛga á maní, ɗétú ɔmɛma Mokonga mɔtɛ-amɔ. Mɔngɔ moci, nkpa áɔmɔsɛnɛkɛa n'aɔ́li bɔngɔ n'aophenuaga.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓaphilípi 2:10

ka gea te, ka ina á Yéso econji bui ɓágbukɛ muanku, nanga ɓáɓá na koba, nanga ɓáɓá ka mokonda, nanga ɓáɓá kusi á oɗo.

Ɓakɔlɔsái 1:16

Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.