Ɓakɔlɔsái 1:19 - Ɔngana á Kɛ̌kɛ

¹⁹ Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

Ɓakɔlɔsái 1:19 Iomraidhean Croise

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Yoáni 3:34

Mmbé Mokonga anteki a tɔ ɔyɔnga nyɔngɔ á Mokonga. Nga, yɛ antúmisi na Měma akɛ.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

Ɓaɛphɛ́sɔ 1:23

Nga, kanisa ande nyama á Kiísito. Suɓi í unge Kiísito aiki buakɛ, ɓíndɔ atúmisi kema bui k'ɔ́ma bui ka mokonda.

Ɓaɛphɛ́sɔ 1:3

Obebɔ ka Mokonga, Aba Mɔkɔta nɛsu Yéso Kiísito. Asóbisíí njaga bui ka měma na bisia asu keɓu á na koba ka ɔngana asu na Kiísito.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 4:10

Cɔ, mmbé ɗádidi, yɛ tɔndɔ aámbé ɗátái phɔtɔ gǔ phɛɛ na koba ka gea, átúmisɛ mokonda bui.

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.