Ɓakɔlɔsái 1:18 - Ɔngana á Kɛ̌kɛ

¹⁸ Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

Ɓakɔlɔsái 1:18 Iomraidhean Croise

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Yoáni 1:1

Ka nkpangeɔ, Moyo ɗátú ɓei. Moyo ndɔ, ɗátú kimoci na Mokonga, Moyo ɗátú Mokonga.

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Yoáni 1:27

Aobika mbusa ani, kékeni tanda koɗa á ngoi á ɓiato nɛkɛ.»

Ekuma á ɓateki 26:23

atókeni Kiísito átambɛgɛ, áɓɛ nto á k'ama mosá-mosá á jujúka ka kukuwa sɔsɔɓɛ á ɓasí. Yɛ, aɛtɔmiande Ɓayúda na ɓunde ɓáná Ɓayúda nyɔngɔ á ɓoamia ka gea ɓáendɛ suɓi á owanga.»

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

1 Ɓakɔlítɔ 11:3

Nekondi gǎkɛ ɓóúbɛ nyɔngɔ ndee: Kiísito ande mɔ̌ á mǒko buakɛ. Mǒko ande mɔ̌ á nke. Mokonga ande mɔ̌ á Kiísito.

1 Ɓakɔlítɔ 12:27

Cɔ, ɓenu ɓɔbu ɓonde nyama á Kiísito. Nkpa na nkpa sɔsɔɓɛ anu, ande gbútuka á nyama ndɔɔ.

1 Ɓakɔlítɔ 15:25

Nga, akeni Kiísito ámameɛ nji bubui na ka ɓî Mokonga aebisande ɓaɓiɓia nɛkɛ ɓɔbu kusi écinji akɛ.

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓaɛphɛ́sɔ 5:23

Nga, mǒko ana kɔkɔta gǔ á nkakɛ ɓíndɔ Kiísito ana kɔkɔta gǔ á kanisa. Kiísito sasakɛ ande Namisi á kanisa nnde ande nyama akɛ.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 1:8

Mɔkɔta Mokonga Mɛna-ɓukpɛkpɛ bui, mmbé aɓei, mmbé ɗátú ɓei na mmbé aobika agi te: «Nende Alpha na Ɔmɛga.»

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 21:6

 goto ɔyɔnga gea: «Así! Eme nende Alpha na Ɔmɛga, nkpangeɔ na sungiaga. Mmbé ana ɛnyɔta, nemophande kema á noa ecici ka ntogɔ á iɓo á enda.

Mphaniɔ 22:13

Nende Alpha na Ɔmɛga, Nkpangeɔ na Sungiaga, nto á k'ama mosá-mosá na nto á ka sungiaga.»

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe: