Ɓakɔlɔsái 1:16 - Ɔngana á Kɛ̌kɛ

¹⁶ Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

Ɓakɔlɔsái 1:16 Iomraidhean Croise

Yoáni 1:10

Moyo ɗátú ka mokonda. Mokonga ɗáconji mokonda ka Moyo, ɓato á ka mokonda ɗáɓákánengekisi gǎkɛ.

Yoáni 1:3

Mokonga ɗáconji kema bui ka Moyo. Nna tanda na kema moci nde ɗágeani kángá yɛ.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 8:38

Ka nyɔngɔ nde neoúba ɗoni gea, nna na kema nde aɔtɔka n'asókatanisi na ekondi ndea Mokonga. Kaɓɛ n'ande kukuwa, kaɓɛ n'ande enda, kaɓɛ n'ande ɓamalaéka, kaɓɛ n'ande ɓakɔta, kaɓɛ n'ande kema á kɛ̌kɛ, kaɓɛ n'ande kema nde abikande, kaɓɛ n'ande ɓato á ɓukpɛkpɛ,

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓaɛphɛ́sɔ 6:12

Nga, ɓesu ɓékéomana na ɓakpa, ɓe ndiu omana na měma nde ɓáɔɔphana ɓakɔta á n'ego na oɗo. Ɓɔ, ɓá gǎkɛ tɔ ɓakɔta á mokonda á kaiphiɔ. Ɓeomana na ɓansombo ɓunde ɓáotamba ɔma bui ɓea maphopho.

Ɓaphilípi 2:10

ka gea te, ka ina á Yéso econji bui ɓágbukɛ muanku, nanga ɓáɓá na koba, nanga ɓáɓá ka mokonda, nanga ɓáɓá kusi á oɗo.

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

Ɓakɔlɔsái 1:20

Ɗákondi sikisa ɓujɛjɛ sɔsɔɓɛ akɛ na econji bui á ka mokonda k'aphe ndea Anakɛ. Mbenɔ nde Kiísito ɗáɗuki magia akɛ ka moyangɔ, mpɔ Mokonga áosikisa ɓujɛjɛ sɔsɔɓɛ akɛ na econji bui nnde á na koba na nnde á ka mokonda.

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

Ɓakɔlɔsái 2:15

Gǔ á moyangɔ ndɔ, Mokonga aoɓá gǔ á ɓukpɛkpɛ na kɔkɔta bui á měma á ɓamamei nji. Áǒkiɗianisa mosá á ɓakpa ɓɔbu, áɔ̌kɔɓisa ka mɔɔmba na ɓáoɓenganaga ɓea ɓato á mekakɔ ka ɔnisa gea Anakɛ akíndi.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.

Ɓaɛbulanía 2:10

Mokonga ɗáconji kema bui ka phɔakɛ na k'aphe nɛkɛ. Ɗági ɓó ka ɓǒtea á ɓaniki ɓásii ka ɓoombia nɛkɛ. Ka tɔtɔkisa nndɔ, ɗákeni ámɓɔngisɛgɛ Yéso ánjá phɛɛ k'aphe á tambaga akɛ ka gea te, yɛ aámbé ábómɛ aphe á ɓoamia á ka měma.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.