Ɓakɔlɔsái 1:12 - Ɔngana á Kɛ̌kɛ

¹² Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓakɔlɔsái 1:12 Iomraidhean Croise

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Yoáni 4:23

Cɔ, mbenɔ aobika n'a ye tɔ bíbí, ɓato á ɗokomisa á ɗoni ɓánɗokomisande Abɛ ka měma na ka koɗoni nga, ɓundɔ ɓáunge Abɛ aǒkaɓa ka ɓá ɓato á ɗokomisa akɛ.

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 11:17

Ɓaisilaɛ́li ɓá ɓea me á mujɛitúni nde Mokonga ɗátenigi ka ntabi í. Oɓɛ, o ɓea ntabi á me á k'osaa. Ɓákɔtɛisi k'ɔ́ma nɛɓɔ oɓɛ ímbe kó Moyúda onde ɓea ntabi á me á k'osaa. Kɛ̌kɛnde ɔɔtɔa phɔtɔ iɓo á ka mǐgi á mujabíbu.

Ɓalɔ́ma 15:27

Ɓáosuia enga aɓɔ nga, ɗákeni na ɓó ka enga aɓɔ. Nga, Ɓayúda ɓaɓêki ɗáɓágabi ka ɓunde ɓáná Ɓayúda kema ánjá á enga ɓɔ ka měma. Atókeni ɓunde ɓáná Ɓayúda ɓágabɛ phɔtɔ ka Ɓayúda nkumba nde ɓá na siki í.

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 5:5

Mokonga aámbé asɔɓɔngisigi ka ɓá na enda á mɛyɔ. Asóphi phɔtɔ Měma akɛ ɓea moéma ka engekisia asu kema nde asóbisíí.

Ɓaɛphɛ́sɔ 1:11

Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 2:18

Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓaɛphɛ́sɔ 4:6

Mokonga a tɔ moci n'ande Aba ɓakpa ɓɔbu. Yɛ, a gǔ á ɓakpa ɓɔbu, aɔbɛɗanaga ka ɓakpa ɓɔbu, aiki ka ɓakpa ɓɔbu.

Ɓaɛphɛ́sɔ 5:11

Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaɛphɛ́sɔ 5:4

Ɓókóyɔngɛgɛ mɔnɔ nyɔngɔ á soni, nyɔngɔ á kobóbó na nyɔngɔ nde ajɔɔkani. Ambe ɓónsegɛ ndiu Mokonga ka ɛmɛmi nɛnu.

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Yakɔ́ɓɔ 3:9

Ɓeombeba Mɔkɔta nɛsu na Abasu n'eɗáka, ɓe phɔtɔ ɔ̌sɛmɛaga ɓakpa nde Mokonga ɗáeconji ka keongi akɛ n'eɗáka.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

1 Yoáni 1:3

Cɔ, nnde ɗɛ́ɓɛɔni na ɔ́ka í, aunge ɓɛnɔtɔ̌mi phɔtɔ ka gea te, ɓɛ́ɔnganɛ na ɓenu ka komunamema nde ɓe kau n'Abɛ, n'Anakɛ Yéso Kiísito.

Mphaniɔ 21:23

Ntanga-nji ndɔ, ɗákátú na ɓuyɛnɛ á maní na songe nga, ɓophombia ndea Mokonga aunge ɗáojegia na Muna-Mɔgɔgɔ áɔbɛnya ɓea ɔbɛa.

Mphaniɔ 22:14

Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.

Mphaniɔ 22:5

Keiphe káɓɛeka ye na ɓákáɓɛku ye na siki á owanga á maní n'índe á ɔbɛa nga, Mɔkɔta Mokonga aɛmbisande owanga nɛkɛ gǔ aɓɔ. Ɓámameande nji ka saga na saga.