Ɓakɔlɔsái 1:10 - Ɔngana á Kɛ̌kɛ

¹⁰ Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 1:10 Iomraidhean Croise

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 4:12

Abalaámu a phɔtɔ aba ɓakpa nde ɓágú ganja. Nna tɔndɔ ɓakpa nde ɓá na epe á gua á ganja ka nyama aɓɔ, a ndiu ɓakpa nde ɓá na ɓeekea ɓíndɔ tatasu Abalaámu ɗátú ně mosá á gua akɛ ganja.

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 5:9

Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

2 Ɓakɔlítɔ 9:8

Mokonga ana ɓukpɛkpɛ á opha anu kema ásii phɛɛ ka gea, ɓóɓɛ na kema bui nde ɓookonda. Gǔ índɔ goto, ɓoɓande na nnde ɓɔtɔtɔkisande ně kema ánjá bubui.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓaɛphɛ́sɔ 5:10

Káɓáni kema nde áɔmɓɔngɛa Mɔkɔta.

Ɓaɛphɛ́sɔ 5:15

Cɔ, óengani ánjá ka tambea anu. Ɓókóɓɛmbɛ ɓea ɓabóbó, ɓáni ndiu ɓea ɓato á kɔɓɔɔngɛ.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 2:6

Cɔ, ɓî ɓomɓeeki Mɔkɔta Yéso Kiísito, júkanani na yɛ ka enda anu.

Ɓakɔlɔsái 3:20

Ɓaniki, ɔ́ɓɔ́kani ɓaɓɔkɔti anu ka kema bubui. Nga, nndɔ unge amɓɔngɛi Mɔkɔta.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

2 Timɔtɛ́ɔ 2:4

Nna na nto-émani nde aoga k'aphe émani n'abisi měma akɛ ka enda nde atingani na moangɔ émani, a ndiu tɔ okáɓa gea, mɔkɔta nɛkɛ ánkondɛ.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Ɓaɛbulanía 11:5

Ka nyɔngɔ á ɓeekea ndea Ɛnɔ́ka, Mokonga ɗántóisi na koba na káku. Ɗákáɔnɛkani ye nga, Mokonga aámbé ɗántóisi. Ɓuku á Mokonga ayɔngi gea, mosá á gǎ akɛ na yɛ, Ɛnɔ́ka ɗáogea kema nde ɗáɔmɓɔngɛa Mokonga.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

2 Pɛ́tɛɛ 1:8

Cɔ, ɓo ye oɓá na kema ndɔ bui, n'aɓiki suɓi anu, anóphande ɓukpɛkpɛ á bɛɗaneaga ú na tútuisa úbapha anu ka Mɔkɔta nɛsu Yéso Kiísito.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

3 Yoáni 1:6

Ɓɔ, ɓáɗigimisi nyɔngɔ ékondi nɛkɔ mosá á kanisa. Cɔ, óenga ɓɔ ka tamba nɛɓɔ ɓíndɔ amɓɔngɛi Mokonga.