Ɓaphilípi 4:9 - Ɔngana á Kɛ̌kɛ

⁹ Tɔtɔkisani kema nde ɗénóphi na goisaga anu, nnde ɗɔɓɔɔ́ki na nɛɔyɔnga na nnde ɗɔ́ɓɔɔni na neogea. Mpɔ, Mokonga, mɛna-ɓujɛjɛ, aɓande kimoci na ɓenu.

Ɓaphilípi 4:9 Iomraidhean Croise

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 7:21

Nna ɓakpa ɓɔbu ɓunde ɓáɔmɔɔphana ‹Mɔkɔta! Mɔkɔta!› ɓáunge ɓángiande ka koɓoamɛ ndea na koba. A tɔndɔ gǎkɛ ɓunde ɓáɔtɔtɔkisa mɔphɛ ndea Abɛ, mmbé á na koba.

Lóka 6:46

Eke nde ɓɔɔmɔɔphanea: ‹Mɔkɔta, Mɔkɔta!› Na ɓókóogea kema nde nenóngoɗi?

Lóka 8:21

Yéso â gǎkɛ ǒsikisia: «Ayi na ɓana-ayi, ɓánde ɓundɔ ɓáɔɔ́ka nyɔngɔ á Mokonga na tɔtɔkisa í.»

Yoáni 13:17

Ɓî ɓoúbi ye nyɔngɔ ndɔ, ɓoɓande na maseye, aoɓá na ɓɔtɔtɔkisi ú.

Yoáni 15:14

Ɓenu, ɓonde ɓadani, aoɓá na ɓogi nnde nenósosi.

Yoáni 2:5

Mpɔ, amakɛ áǒngoɗea ɓabɛɗanigi-ɛ́kɛka: «Geani tɔ kema bui nde anóngoɗeande.»

Ekuma á ɓateki 9:6

Cɔ, má, ógɛ ka ntanga-nji á Damasíki. Kó, ɓáongoɗeande kema nde akeni ógeɛ ú.»

Ɓalɔ́ma 15:33

Ambe Mokonga mɛna-ɓujɛjɛ áɓɛ kimoci na ɓɛnu ɓɔbu. Áɓɛ ɓó!

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

1 Ɓakɔlítɔ 10:31

Cɔ, kaɓɛ na ɓooeaga, ɓoonoa na ɓoogea kema sina, geani tɔ kema bubui ka sega á Mokonga.

1 Ɓakɔlítɔ 14:33

nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.

1 Ɓakɔlítɔ 4:16

Kaɓondɔ, nenóɗengemisigi gea, ɓeani tambea nɛmɔ.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓaphilípi 3:17

Cɔ, ɓaya, ɓeani tambea ani. Bisani iso anu ka ɓakpa nde tambea aɓɔ akengeani na nnde ɓɔɔna mɔtɛ-asu.

Ɓaphilípi 4:7

Mpɔ, Mokonga áonóamba, áobisa ɓujɛjɛ ka měma anu, ɓujɛjɛ ndɔ n'anyɛ́nyi úbapha bui, aámbande měma anu ka nyɔngɔ nde, ɓɔɔngani na Kiísito Yéso.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

1 Ɓatɛsalɔníka 2:14

Ɓaya, ɓokengeani tɔ na ɓato á ka kanisa ndea Mokonga á ka Yudɛ́a, ɓunde ɓámɓeeki Kiísito. Nga, ɓato á k'ékuna nɛnu ɓánótambisigi ɓíndɔ Ɓayúda ɗáɓětambisigi ɓakiísito Ɓayúda.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 3:4

Ka nyɔngɔ índɔ unge ɓebisi měma asu ka Mɔkɔta ka gea, ɓɔ́tɔtɔkisɛ kema nde ɓenósósi, ɓíndɔ ɓootútuisa, na tɔtɔkisa í kɛ̌kɛnde.

2 Timɔtɛ́ɔ 4:22

Cɔ, Mɔkɔta áɓɛ n'oɓɛ. Ɓonjánja-ékondi nɛkɛ áɓɛ na ɓenu.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.