Ɓaphilípi 4:8 - Ɔngana á Kɛ̌kɛ

⁸ Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓaphilípi 4:8 Iomraidhean Croise

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Málikɔ 6:20

Nga, Ɛlɔ́dɛ ɗáomɓánga Yoáni. Ɗáúbi gea te, Yoáni ande nto á koɗoni na nto á kanga ɓojeɗe. Kaɓondɔ, áonamba. Mbenɔ nde ɗáɔ́ki, áotangaaga ka ɓoabi ndea Yoáni nanga ɓî ɗáokonda ɔ́ka á yɔnga akɛ phɛɛ.

Lóka 16:15

Kaɓondɔ, Yéso áǒngoɗea ɓe: «Ɓǒphangisia k'íso á ɓakpa gea te, ɓonde ɓato á ɗoni. Mokonga aámbé a gǎkɛ oúba měma anu. Kema nde ɓakpa ɓáoɗokomisa, aunge Mokonga aɔɔna n'ajɔɔkani.

Lóka 2:25

Cɔ, nkpa moci ɗátú ka Yɛusalɛ́ma, ina akɛ Simɛɔ́ni. Ɗátú nto á koɗoni na nto á konda á Mokonga phɛɛ. Ɗáomɓondeaga Namisi á Ɓaisilaɛ́li. Měma á kanga ɓojeɗe ɗá kimoci na yɛ.

Lóka 23:50

Cɔ, mǒko moci ina akɛ Yɔsɛ́phu, ɗátú nto á Alimatɛ́a, nji á Ɓayúda. Ɗátú nto á koɗoni na měma ánjá, ɗá phɔtɔ oɓondea koɓoamɛ ndea Mokonga. Ɗátú ka ɓato á ntua á tena nyɔngɔ, ɗákáɓeekeani gǎkɛ na ɓɔ ka mɔangɔ ndɔ.

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 22:12

Cɔ, nkpa moci ɗátú kó, ina akɛ Ananía. Yɛ, ɗátú mɓángi-Mokonga na ɗátúoamba ɛɔphi ndea Mósa phɛɛ. Ɓayúda ɓɔbu ɓunde ɗáɓáiki ka Damasíki ɗáɓáombeba phɛɛ.

Ekuma á ɓateki 6:3

Cɔ, ɓaya, ɔ́sɔmbɔani ɓakpa ngianjaga iɓɛ (7) sɔsɔɓɛ anu, ɓunde ɓá na tambea ánjá, ɓátúmi na Měma á kanga ɓojeɗe na ɓá na kɔɓɔɔngɛ, ɓébisɛ k'ékuma á egabɔ.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 13:3

Nga, ɓunde ɓáogea ánjá ɓánáɔtɔka na ɓ'eɓángi ɓateni-nyɔngɔ, tɔndɔ ɓunde ɓá ndiu ogea ɓojeɗe. Kóokonda ɓánga á mɔkɔta á nji? Cɔ, gea ánjá na akobebande.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 2:29

Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 13:7

Ɓɛɔmmɛma Mokonga te, ɓókógeɛmbɛ tanda ɓojeɗe. Ɓékéokonda ɔnisa á ɓukpɛkpɛ asu. Ɓe ndiu okonda gea, tambea anu áɓɛ ánjá nanga ɓásɔɔ́na ɓea ɓakpa nde ɓátugbanigi.

2 Ɓakɔlítɔ 6:8

nanga ɓásoɗokomisa kaɓɛ tóndea asu, nanga ɓásobeba kaɓɛ bóma asu. Ɓuangbo ɓáogea te, ɓende ɓademigi, nanga ɓéɓá ɓato á ɗoni.

2 Ɓakɔlítɔ 8:18

Cɔ, ɓenteki Títɔ na dasu moci, mmbé kanisa bui ambebi ka nyɔngɔ á ekuma nɛkɛ á tɔ̌miaga Mbino-Ánjá.

2 Ɓakɔlítɔ 8:21

Ɓeokáɓa gea ánjá, nna tɔndɔ mosá á Mɔkɔta, a ndiu phɔtɔ mosá á ɓakpa.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 4:25

Kaɓondɔ, ɗeketani yɔnga á mbɛa. Ambe nkpa na nkpa án'yɔngɛɛ dakɛ nyɔngɔ á ɗoni nga, ɓesu ɓɔbu, ɓende gbútuka á nyama á Kiísito.

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

Ɓaɛphɛ́sɔ 6:14

Cɔ, mamani akpɛ! Ɗoni áɓɛ ɓea angeɗe nɛnu, koɗoni áɓɛ ɓea ngɔ́mbɛ á k'égogo á nto émani.

Ɓaphilípi 3:1

Cɔ, ɓaya, ɓáni na maseye ka nyɔngɔ á ɔngana anu na Mɔkɔta. Nna kema k'éme aoɓá na nesikíígi kema nde ɗéneɗundu mosá nga, nndɔ akeni ka ɓenu.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Timɔtɛ́ɔ 2:2

Mɛmani phɔtɔ ka ɓaamɛ na ɓakɔta ɓɔbu á ka nji ka gea te, ɓéikɛ ka ɓujɛjɛ, ɓéɓɛ tɔ ɓato á ɓonjánja na ɓánga á Mokonga.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

1 Timɔtɛ́ɔ 3:4

Áangɛ endu nɛkɛ ánjá, ɓaniki nɛkɛ ɓáɔ́kɛ ɓɔphɛi nɛkɛ ɗoni.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

1 Timɔtɛ́ɔ 5:2

ɓagbɛga á ɓake ɓea ɓamakɔ, na ɓaseka ɓea ɓ'áwákɔ kángá ɓá na kanisia ájeɗe ka phɔa ɓɔ.

Títɔ 1:8

Áɓɛ ndiu nsesi á ɓakɛni, nto á konda kema nde aánjá, nto á kanisia ánjá, nto á koɗoni, nto á kanga á ɓojeɗe, nto-éamba sasakɛ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 2:2

Óngoɗea ɓaphomi á ɓǒko gea, ɓáɓɛ ɓato-éamba sasaɓɔ, ɓato-éɗokomisa, ɓato á kanisia ánjá, ɓáɓɛ na ɓeekea akpɛ, suɓi ékondi na phiphia.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Ɓaɛbulanía 11:2

Ka mbenɔ á mosá, Mokonga ɗáeɓeeki ɓato á kala ka nyɔngɔ á ɓeekea nɛɓɔ.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Yakɔ́ɓɔ 1:27

Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

2 Pɛ́tɛɛ 3:1

Cɔ, ɓadani ékondi, nnde a ye ɓaoɓa á ko iɓɛ nnde nenóɗundui. Ka ɓaoɓa iɓɛ ndɔ bubui, ɗékondi kanisia anu na jujúkisa á úbapha anu ka gea ɓóɓɛ na kanisia ánjá.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.