Ɓaphilípi 4:6 - Ɔngana á Kɛ̌kɛ

⁶ Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

Ɓaphilípi 4:6 Iomraidhean Croise

Matáyɔ 10:19

Mbenɔ nde ɓánojúsande ka ntua á tena nyɔngɔ, ɓókoianɛgɛmbɛ gea: ‹Ɓɛyɔngande ɓo? Na ɓɛyɔngande kema sina?› Nga, ɓánoúbisande nnde ɓɔyɔngande ka mbenɔ ndɔ.

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Matáyɔ 6:34

Ɓókoianɛgɛmbɛ ka nyɔngɔ á kema ndea mama. Kema ndea mama, akeni tɔ ka mama. Esa n'esa akeni tɔ na nyɔngɔ ínɛkɛ.

Matáyɔ 6:8

Ɓókǒkengeɛ mɔnɔ, ka nyɔngɔ nde Abanu aoúba mɔphɛ anu mosá á mɛma akɛ.

Lóka 10:41

Mɔkɔta áonsikisia: «Maatá! Maatá ca! Eke nde ootambaga ka kema ásii ně ɓende?

Lóka 12:22

Mbusa, Yéso â phɔtɔ ǒngoɗea ɓagoigi nɛkɛ: «Kaɓondɔ unge nenógie, ɓókotambɛgɛmbɛ ka enda anu, kema sina nde ɓoeande na bɔngɔ nde ɓɔɔ́lande ka nyama anu

Lóka 12:29

Ɓókǒtambisɛgɛmbɛ ka nkaɓɔ á kema nde ɓoeande n'índe ɓonoande.

Lóka 18:1

Yéso ɗěngoɗi ɓagoigi nɛkɛ mɛní ka úbisa aɓɔ te, akeni ɓámɛmɛ Mokonga esa bubui kángá phúia á měma.

Lóka 18:7

Ande gea, Mokonga kátenɛku gǎkɛ nyɔngɔ ndea ɓakpa nɛkɛ, ɓundɔ aɛsɔmbu, ɓî ɓáogáma mosá akɛ keiphe n'esa? Aphiphiande kángá enga aɓɔ?

1 Ɓakɔlítɔ 7:21

Mbenɔ nde Mokonga ɗákɔɔphani, ɗótú nkɔɓɛ? Cɔ, koianɛgɛmbɛ. Aoɓá gǎkɛ aphe á toka akɔ ka kɔkɔɓɛ n'aɓei, ambe ótokɛ

1 Ɓakɔlítɔ 7:32

Netókondi ɓóikɛ kángá á ianaga ka měma. Nkpa nde káɔmani, aoianaga nyɔngɔ ndea Mɔkɔta, aokáɓa ékondisaga na Mɔkɔta.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

Ɓakɔlɔsái 4:2

Suiani ɛmɛmi, ɛ́ngɛphani k'ɛ́mɛmi kau, ɓáni phɔtɔ na měma á ɓosegi ka Mokonga.

1 Timɔtɛ́ɔ 2:1

Mosá á kema bubui, nɛnɔ́phɛí ɓe: mɛmani Mokonga ka phɔa á ɓakpa ɓɔbu, ɓónɗengemisɛgɛ, na ɓónsegɛ ka phɔaɓɔ.

1 Timɔtɛ́ɔ 5:5

Nke á kekusa ímbɔ nna na nkpa ɗoni k'ékombo ka enga akɛ, anseɓei mɔɔ tɔ nɛkɛ Mokonga. Yɛ, aɔmmɛma Mokonga keiphe n'esa kángá ɗeketa na bisa á mɔphɛ akɛ ka Mokonga.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Pɛ́tɛɛ 5:7

Phombeani tambaga á ka měma anu bui mɔtɛ-akɛ nga, aonóamba.