Ɓaphilípi 4:5 - Ɔngana á Kɛ̌kɛ

⁵ Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

Ɓaphilípi 4:5 Iomraidhean Croise

Matáyɔ 6:25

Cɔ, kaɓondɔ unge nenóngoɗi gea: ‹Ɓókóianɛgɛmbɛ ka nyɔngɔ á enda anu, ka nyɔngɔ á kema á k'oea, á noa na á ɔla.› Nga, enda anyɛ́nyi eea na nyama áɔnyɛ́nya ngɔ́mbɛ, nna ɓo?

Matáyɔ 6:34

Ɓókoianɛgɛmbɛ ka nyɔngɔ á kema ndea mama. Kema ndea mama, akeni tɔ ka mama. Esa n'esa akeni tɔ na nyɔngɔ ínɛkɛ.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

1 Ɓakɔlítɔ 6:7

Eya, ɓî ɓo ye ɔtɔngana ngǔngu anu, ande gea, ɓotugbanigi ye tɔ. Kátókeni ndiu ɓóphiphiɛ ɓojeɗe nde ɓakpa ɓáonogea ně? Kátókeni ndiu ka ɓenu ɓánóútɛ nkumba nɛnu?

1 Ɓakɔlítɔ 8:13

Kaɓondɔ unge, aoɓá eea n'aongusa dani ka ɓojeɗe, kéeɛeka ye tanda nyama ka gea, kengúsɛ mɔnɔ dani.

1 Ɓakɔlítɔ 9:25

Nga, nkpa buakɛ mmbé akondi ngia ka njoko, akeni átaeɛgɛ. Aogea ɓondɔ ka gea te, ɓámophɛ ɛkɔmi á mokonda, nnde aújukanande. Ɓesu gǎkɛ, ɓeogea nɛsu ka gea, ɓéɓɛ n'ɛkɔmi nde káújukanɛku.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓatɛsalɔníka 2:2

měma anu kaɗengɛmbɛ ka mbangɔ-mbangɔ na ɓánga, aoɓá nkpa n'anóngoɗi gea, esa á ja á Mɔkɔta ajú. Ɓókǒɓeekeɛmbɛ, nanga ɓáɔtɔa nyɔngɔ, nanga ɓáphɛa, nanga ɓébeba sasaɓɔ gea, ɓána ɓaoɓa nde atóki mɔtɛ-amɔ.

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 10:37

Ɓáɗundu suɓi á Ɓuku á Mokonga ɓe: «Ajigi mbenɔ ábɔa phɛɛ ka gea mmbé aobika, abika tɔ, káiphiɛku.

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»