Ɓaphilípi 4:18 - Ɔngana á Kɛ̌kɛ

¹⁸ Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓaphilípi 4:18 Iomraidhean Croise

Ekuma á ɓateki 10:4

Kɔɔnɛlíɔ áontúmia n'iso, n'ana kɔɓɔɓɔkɔ. Áomúsia: «Mɔkɔta, ama ɓo?» Malaéka áonsikisia te: «Mokonga aɔ́ki ɛmɛmi nɛkɔ na ɓeekea á kema nde ǒgabei ɓaúki. Kaɓondɔ, aokokanisia.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

2 Ɓakɔlítɔ 11:8

Mbenɔ nde ɗɛ́ɔnɔ́bɛɗaneaga ɗéneɓeeki gea kanisa nɛngbo unge ámophendɛ na ákumbɛ ɓoɗoko ani. A phɔtɔ ɓea eme, ɗéutí nkumba á kanisa ndɔ na bɛɗaneaga í ka enga anu.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaphilípi 4:12

Neoúba enda suɓi á ɓuyɛnɛ, néoúba phɔtɔ enda suɓi á ɛtɔi. Ɗénegoigi esa bui na ɔma bui ɓá n'ekuta na ɓá na nja, ɓuiki á ɛtɔi na ɓuiki á ɓuyɛnɛ.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.