Ɓaphilípi 4:17 - Ɔngana á Kɛ̌kɛ

¹⁷ Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓaphilípi 4:17 Iomraidhean Croise

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Ɓalɔ́ma 15:28

Mbenɔ nde nɛgɔɓande ekuma nde, na jisa á kema nde ɓátókɔngu ka phɔanu, nɛnyɛ́nyɛande mɔtɛ-anu ka gǎ ani na Spanía.

2 Ɓakɔlítɔ 11:16

Nesikíí goto yɔnga gea: Nkpa kakanisiɛmbɛ gea te, nende mbóbó. A gǎkɛ oɓá n'a ɓó, ómoɓeekeani ɓea mbóbó ka gea, néebebɛ ábɔa.

2 Ɓakɔlítɔ 9:5

Kaɓondɔ, nɛtɔ́ɔni ánjá, ɔphana ɓadasu ndɔ, ɓámɔmɛɛ mosá ka gǎ mɔtɛ-anu ka bisa ophangɔ égabɔ ékondi nɛnu ɓíndɔ ɗɔ́ɓɔɔku mosá. Nejuande ye tɔ na ɓá ye ɓɔngisigi kema bui, na nndɔ aɔnisande gea, ɓoogaba na měma mo kángá á sosea anu.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:11

Kɛ́yɔngi ɓó ka gea, nena siki á kema. Nga, nanga ɓî negoigi ɓuiki bubui, nena ɓujɛjɛ kau.

1 Ɓatɛsalɔníka 2:5

Ɓoúbi phɔtɔ gea, ɓékéǒbeba ɓakpa jǎi ka nyɔngɔ ékondisaga na ɓɔ, ɓéké phɔtɔ okáɓa imɔna ka nyɔngɔ á ɓɔphɛi nɛsu. Mokonga aámbé ande nɗigimisi.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

Títɔ 1:7

Ambe nambi-kanisa, áɓɛ kángá kisɛki nga, yɛ aoamba kanisa ndea Mokonga. Cɔ, kaɓɛmbɛ nto-ébeba, nto-ésuia, nto á ɓoita, nkae, nto á maibe-maibe ka imɔna.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 5:2

Ambani etuge ndea Mokonga nnde ɗánóphi kángá sosea anu. Ambani ndiu ú na měma ánjá ɓíndɔ Mokonga akondi. Bɛɗanagani kángá mɔphɛ á tɔá ka ɓojeɗe, óyameani ndiu k'ékuma na měma ékondi.

2 Pɛ́tɛɛ 2:15

Mbusa á ɗeketa aɓɔ aphe á ɗoni, ɗáɓáɓúngigi, ɓáoɓea aphe ndea Baláma muna Bɛɔ́li. Yɛ, ɗákondi tɔá á imɔna k'aphe ájeɗe,

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.