Ɓaphilípi 4:1 - Ɔngana á Kɛ̌kɛ

¹ Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

Ɓaphilípi 4:1 Iomraidhean Croise

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Yoáni 8:31

Yéso áǒngoɗea Ɓayúda nde ɗáɓámɓeeki áǒgea: «Aoɓá na ɓoambi nyɔngɔ nɛmɔ, ɓonde ɓagoigi nɛmɔ ɗoni.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 2:42

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 16:13

Phɛani tɔ̌, ósimbiani ka ɓeekea nɛnu. Ɓáni na nténdé na ɓukpɛkpɛ!

2 Ɓakɔlítɔ 1:14

ɓî ɓoɗigimisi nyɔngɔ nɛmɔ ábɔa, ɓoúbande bui suɓi á ɓaoɓa ndee. Kaɓondɔ unge, esa nde Mɔkɔta nɛsu Yéso abikaeka, ɓoɓande na ɓosegi ka ɓesu, ɓíndɔ ɓeɓande ně ka ɓenu.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 2:26

Cɔ, ɓî ɗáseɓei phɛɛ gǎ ɔna anu goto ɓenu ɓɔbu, ɗá gǎkɛ oiyanaga phɛɛ ka nyɔngɔ nde, ɗɔɓɔɔ́ki gea, ɗátú osamba.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

2 Timɔtɛ́ɔ 2:1

Cɔ, oɓɛ miki nɛmɔ Timɔtɛ́ɔ, ɓá na ɓukpɛkpɛ ka ɓonjánja-ékondi nde Kiísito Yéso ɗásóphi.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

2 Pɛ́tɛɛ 3:17

Cɔ, ɓenu ɓadani ékondi, nɛnɔ́nyɔtɛi ye gǎkɛ nyɔngɔ ndɔɔ. Kaɓondɔ, ɛ́ngɛphani, ɓókǒdemisɛmbɛ ye ka nyɔngɔ á odemayɔ ndea ɓagoisigi á mbɛa. K'aphe ndɔ unge ɓǒdoɗeande ka měma.