Ɓaphilípi 3:20 - Ɔngana á Kɛ̌kɛ

²⁰ Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

Ɓaphilípi 3:20 Iomraidhean Croise

Matáyɔ 19:21

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Lóka 12:21

Yéso aogea: «Ɓondɔ unge aɓande ka nkpa nde aodondanisaga nkumba ásii ka phɔakɛ sasakɛ na nna n'ɛtɔi k'íso á Mokonga.»

Lóka 14:14

Kaɓondɔ, oɓande na maseye nga, ɓakpa ndɔ ɓáká na kema á sikisia akɔ. Mokonga akosikisiande mbenɔ nde ɓato á koɗoni ɓájujukande ka kukuwa.»

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

1 Ɓakɔlítɔ 1:7

Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

1 Ɓakɔlítɔ 15:48

Ɓato á ka mokonda ɓákengeani na mmbɔ Mokonga ɗánconji na oɗo. Ɓato á na koba, ɓákengeani gǎkɛ na mmbɔ ɗátóki na koba.

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

Ɓagalatía 4:26

Cɔ, Yɛusalɛ́ma á na koba, nna gǎkɛ ka kɔkɔɓɛ, yɛ aámbé ande amasu.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

Ɓaɛphɛ́sɔ 2:6

Ka nyɔngɔ á ɔngana asu na Kiísito, Mokonga ɗásójujúkisi ka kukuwa kimoci na yɛ. Ɓemameande nji na yɛ na koba.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Ɓatɛsalɔníka 4:16

Nga, ɓɛɔ́kande ɛsɔ ángbó, á mɔphani, ɛsɔ á malaéka, n'ɛsɔ á mbengu ndea Mokonga. Mpɔ, Mɔkɔta sasakɛ atókande na koba, áodida. Mbusa, ɓakpa nde ɗáɓásí na ɗáɓámɓeeki Kiísito, ɓájujukande ka kukuwa mosá-mosá.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Ɓaɛbulanía 12:22

Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.