Ɓaphilípi 3:2 - Ɔngana á Kɛ̌kɛ

² Óambani na ɓato-ájeɗe, ɓambwa ndee ɓunde ɓáotetemisa nyɔngɔ á gua ganja á epe-epe.

Ɓaphilípi 3:2 Iomraidhean Croise

Matáyɔ 24:10

Ka mbenɔ ndɔ, ɓakpa ɓásii ɓásagande ɓeekea nɛɓɔ. Ɓátɔnganande na kangeana.

Matáyɔ 7:15

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae

Matáyɔ 7:6

Ɓókǒɓophɛmbɛ ɓambwa kema ndea Mokonga ka ɓanga gea, ɓákanójǐɛmbɛ na nyɔága á kesuku anu. Phɔtɔ, ɓókomakɛmbɛ nsanga á esombi akpɛ mosá á ɓangɛa, ka ɓanga gea, ɓáɗɛtɛagande.

Ɓalɔ́ma 2:28

Cɔ, Moyúda á ɗoni nna tɔ mmbé áoúbikana ka keongi na mmbé agú tɔ ganja á ka nyama.

2 Ɓakɔlítɔ 11:13

Nga, ɓakpa ndɔ, ɓánde ɓateki á mbɛa, ɓánde phɔtɔ ɓademigi k'ékuma nɛɓɔ, ɓáǒdemisaga gea, ɓánde ɓateki ndea Kiísito.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

2 Pɛ́tɛɛ 2:22

Ande gea te, tambea aɓɔ aphangi base mɛní ndee: «Mbwa asikíí ea á ɓɔɔki akɛ» na «Ngɛa nde ěsokosi, asikíí goto éúphá n'esau.»

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.