Ɓaphilípi 3:19 - Ɔngana á Kɛ̌kɛ

¹⁹ Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓaphilípi 3:19 Iomraidhean Croise

Matáyɔ 16:23

Yéso áǒpháia ka Pɛ́tɛɛ, áongea: «Já nɛkɔ mbusa ani, Sɛtáni nde ca! Onde ephiphi ájeɗe k'éme nga, kanisia akɔ nna ɓea Mokonga, a ndiu tɔ á kokpa.»

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Lóka 12:19

Mbusa, néǒsega sasani gea: Moko, ona nkumba ásii phɛɛ ka saga ásii. Cɔ, úmbia phɔ́, eaga, ónoɛ, óguɛ jaí.›

Lóka 16:19

Ntɔi moci ɗáɔɔ́laga bɔngɔ áphǒ-phǒ n'esombi í n'akpɛ phɛɛ. Ɗá phɔtɔ oenda esa bubui ánjá na eaga eea nde aotena soki.

Lóka 18:4

Esa ásii áɔnyɛ́nya, nteni-nyɔngɔ n'aɔkpɛma. Mpɔ, áoianaga ka měma akɛ ɓe: ‹Ɗoni, kéomɓánga Mokonga, ne phɔtɔ ɔ̌ɓɛnjiaga ɓakpa.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓalɔ́ma 6:21

Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

2 Ɓakɔlítɔ 11:12

Kema nde neogea kɛ̌kɛnde, nɛsɛkisiande goto ka gea, ɓakpa nde ɓáokáɓa ébeba k'ékuma nɛɓɔ ɓea ɓesu, ɓákáɓɛmbɛ na ɓukpɛkpɛ í.

2 Ɓakɔlítɔ 11:15

Cɔ, nna gǎkɛ nyɔngɔ á tangaaga aoɓá ɓabɛɗanigi ndea nketi na ɓáégai ka ɓá ɓabɛɗanigi á koɗoni ndea Mokonga. Kaɓondɔ, sungiaga aɓɔ aɓeanande n'ekuma nɛɓɔ.

Ɓagalatía 6:13

Ɓagu-ganja ndɔ, ɓɔ ɓáná koamba ɛɔphi, ɓá ndiu okonda gea, ɓóguɛ ganja ka gea ɓáeɗokomisɛ ka nyɔngɔ á epe á ka nyama anu.

Ɓaphilípi 2:21

Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

Ɓakɔlɔsái 3:2

Bisani měma anu ka kema nde ana koba, kaɓɛmbɛ k'índe á ka mokonda.

2 Ɓatɛsalɔníka 1:9

Tambaga nɛɓɔ, aɓande otúkɔtúkɔ á kanga sungiaga, na katana ɗanga na Mɔkɔta, na katana ɗanga na ɓoombia á ɓukpɛkpɛ nɛkɛ.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.

2 Ɓatɛsalɔníka 2:8

Mpɔ, Nto á otúkɔtúkɔ áɔɔnɛkana base. Mɔkɔta Yéso ammowande na ɛphɛu á k'aphenɔkɔ akɛ, ka ɓukpɛkpɛ á ɓoombia nɛkɛ aunge antúkatúkande mɓiɓia ndɔ, ka mbenɔ nde yɛ Yéso abikande.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

2 Timɔtɛ́ɔ 3:4

ɓatɔngi-ɓakpa, ɓato á mɔ̌ akpɛ, ɓato étondoa, ɓato á konda nnde ɛ̌ɓɔngɛi kángá á konda gǎkɛ Mokonga.

Yakɔ́ɓɔ 4:16

Cɔ, ɓenu gǎkɛ ɓona ɓemboko n'ěbeba. Nndɔ bui aájeɗe.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Pɛ́tɛɛ 2:13

Ophendɔ nɛɓɔ aɓande tambaga ka nyɔngɔ á ɓojeɗe nde ɗáɓági. Ɓána maseye ka tɔtɔkisa base mɔphɛ nɛɓɔ ájeɗe somani. Mbenɔ nde ɓooɓá na ɓɔ ka jaí, ɓáoɓá na maseye ka dema anu, kiɗia aɓɔ ka ɔlɔ anu ande kema á soni na kema á jɔɔkisa á měma.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 18:7

Ɓea ɓî ntanga-nji ndɔ ɗátú na ɓoombia n'ɛtɔi, akeni ɓóntambisɛgɛ na áɓɛ n'oiɔ ɓíndɔ ɗátú na ɓoombia n'ɛtɔi. Yɛ aǒgea sisakɛ gea: Neiki ka kankaanga á koɓoamɛ ɓea moamɛ-nke. Ké nke á kekusa na kékusanɛeka tanda.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.