Ɓaphilípi 3:18 - Ɔngana á Kɛ̌kɛ

¹⁸ Ne ye nongoɗi nyɔngɔ nde mɔngɔ ásii. Kɛ̌kɛnde, nesikíí goto ú na neogáma: Ɓakpa ɓásii ka tambea aɓɔ ájeɗe, ɓánde ɓaɓiɓia á moyangɔ ndea Kiísito.

Ɓaphilípi 3:18 Iomraidhean Croise

Lóka 19:41

Mbenɔ nde Yéso abîmisi ntanga-nji, áɔɔna, áogámea ú,

Ekuma á ɓateki 20:19

Ɗɛ́ɔmbɛɗaneaga Mɔkɔta k'edidisa bui, na iɓo á ngamɔ, suɓi á tambaga nde Ɓayúda ɗáɓáomotambisaga ka nyɔngɔ á maca nɛɓɔ.

Ɓalɔ́ma 9:2

Měma ani atúmi na ɓɛí phɛɛ na tambaga nde nna na sungiaga.

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

2 Ɓakɔlítɔ 11:13

Nga, ɓakpa ndɔ, ɓánde ɓateki á mbɛa, ɓánde phɔtɔ ɓademigi k'ékuma nɛɓɔ, ɓáǒdemisaga gea, ɓánde ɓateki ndea Kiísito.

2 Ɓakɔlítɔ 11:29

Aoɓá nkpa na nna akpɛkpɛ, nê phɔtɔ ɔ̌yɔka ɓɔɛlu. Nkpa aogua ka ɓojeɗe, nyɔngɔ ndɔ áomokaea phɛɛ.

2 Ɓakɔlítɔ 2:4

Ɗénoɗundui ɓaoɓa ndɔ měma ani n'asiɗi phɛɛ, na neogáma. Ɗákátú gǎkɛ ka nyɔngɔ á ɓɛisa anu. Ɗátú ndiu ka gea, ɓóúbɛ ekondi ángbó nde neně ka ɓenu.

Ɓagalatía 1:7

Eya, nna na Mbino-Ánjá nɛngbo, a ndiu tɔ na ɓakpa nde ɓáonoyombokisa na kaɓa á gaía Mbino-Ánjá ndea Kiísito.

Ɓagalatía 2:14

Ɓî nɛɔni ye gea tambea aɓɔ atingani na ɗoni á Mbino-Ánjá, néonkeea gǎkɛ Pɛ́tɛɛ mosá á ɓakpa ɓɔbu: «Oɓɛ, onde Moyúda! O gǎkɛ otambea ɓea nkpa na nna Moyúda. Cɔ, ka nyɔngɔ éke nde ǒsosea ɓakpa nde ɓáná Ɓayúda gea, ɓátambeɛ ɓea Ɓayúda?»

Ɓagalatía 2:21

Kéɗoɛku ɓonjánja-ékondi ndea Mokonga. Nga, aoɓá ɛɔphi unge aombisa nkpa nto á koɗoni mosá á Mokonga, ámbé Kiísito ɗáku tɔ nɛkɛ jǎi.

Ɓagalatía 5:21

Ɓá na mɔphɛ ájeɗe, ɓoita, osǎ, na kema nɛngbo nde akengeani ně. Nesikíí goto ngoɗea anu ɓíndɔ netónongoɗi mosá gea: Ɓunde ɓáogea ka kema ɓínde, ɓákángiɛku ka koɓoamɛ ndea Mokonga.

Ɓagalatía 6:12

Ɓakpa ɓunde ɓáokáɓa gúsisa anu ganja k'akpɛ, ɓánde ɓakpa ɓunde ɓáokonda ébeba ka nyɔngɔ á kokpa. Ɓáogea ɓó ka ɓánga tambaga ka moyangɔ ndea Kiísito.

Ɓagalatía 6:14

K'eme gǎkɛ, kéebebeku ka kema nɛngbo na nna tɔndɔ ka nyɔngɔ á moyangɔ ndea Mɔkɔta nɛsu Yéso Kiísito. Ka nyɔngɔ índɔ unge mokonda aku ka nyɔngɔ ani n'eme néokuwa ka nyɔngɔ í.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

1 Ɓatɛsalɔníka 4:6

Kaɓondɔ, nkpa kangeɛ mɔnɔ dakɛ mokiísito ájeɗe ka nyɔngɔ ndɔ nga, Mɔkɔta atenande nyɔngɔ ndea ɓakpa ndɔ akpɛ. A tɔ ɓíndɔ ɗéɓenóngoɗi na phɛá anu kala.

2 Ɓatɛsalɔníka 3:11

Ɓɛyɔngi ɓó nga, ɓásóngoɗi gea, ɓakpa ɓuangbo ka ɔlɔ anu, ɓánde ɓakusi kángá bɛɗanaga, ɓáikíí tɔ éngisa ka nyɔngɔ ndea ɓadaɓɔ.

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.